PO2 Las Piñas nipiyansa
CEBU, Philippines - Gawasnon na ang usa ka polis kinsa gipasanginlang nangilkil og kwarta human kini nakapiyansa kagahapon sa kasong direct bribery.
Si PO2 Joselito Las Piñas sa Waterfront Police Station nipiyansa og P20,000 alang sa temporaryong kagawasan samtang husayon pa ang kaso.
Si Regional Trial Court Executive Judge Soliver Peras ang mipirma sa release order. Si Las Piñas gipasanginlang nangilkil og kwarta sa usa ka Michael Detuya, taga Labangon, dakbayan sa Sugbo ug gidakop sa National Bureau of Investigation (NBI)-7 niadtong Lunes sa hapon atol sa entrapment operation sa Plaza Independencia.
Matud ni Detuya nga ang gipangayong kwarta bugti sa kagawasan sa iyang live-in partner nga si Jennifer Lantaca kinsa gidakop ug gipriso sa Waterfront Police Station sa kasong qualified theft.
Si Detuya nagpatabang sa NBI hinungdan sa pagkasikop ni Las Piñas.
Sa inquest proceeding nga gipahigayun sa piskaliya, ang akusado nipili nga atubangon ang kaso sa korte ug dili na lang siya muduso og counter-affidavit. (/GMR)(BANAT NEWS)
- Latest
