Michael manamilit sa Born to Shine”
CEBU, Philippines — Manamilit na si Michael Sager sa GMA Afternoon Prime series nga “Born to Shine”. Mapasalamaton siya sa mga handumanan ug kasinatian nga iyang nakuha sa iyang partisipasyon sa maong serye. Usa sa bag-ong kabisihan ni Michael mao ang pagkalakip niya isip usa sa mga host sa “Pinoy Big Brother Collab 3.0.” — Sanden J. Anadia
Teaser sa DongYan movie, gipistahan dayon
Gipakita na sa Star Cinema ang opisyal nga teaser sa umaabot nga pelikulang “Remember” nga gibitoonan sa magtiayong Marian Rivera ug Dingdong Dantes. Base sa teaser, nagtuyok ang istorya sa magtiayong nagkahanap na ang relasyon ug nakalimot na sa kahulogan sa paghigugma sa usa’g usa.
Nikulit na ang teaser og 1.4 million total cumulative views sulod lamang sa tulo ka oras. Gikatakdang ipasalida sa mga sinehan ang “Remember” karong Nobyembre 11.
BINI, nominado sa Nickelodeon Kids’ Choice Awards
Nominado ang P-pop girl group nga BINI sa Favorite Global Music Star category sa umaabot nga Nickelodeon Kids’ Choice Awards. Katigi nila sa maong kategoriya sila Tyla sa Africa, Tame Impala sa Australia, Zara Larsson sa Europe, Karol G sa Latin America, Taylor Swift sa North America, ug Olivia Dean sa United Kingdom.
Samtang, nominado usab ang global girl group nga KATSEYE, diin miyembro ang Filipina nga si Sophia Laforteza, sa Favorite Female Breakthrough Artist/Group category.
Gikatakdang mahitabo ang seremonya sa Nickelodeon Kids’ Choice Awards karong Nobyembre 14.
- Latest
