Julia, nakahimamat kang Charles Leclerc

CEBU, Philippines — Nagmaya si Julia Barretto kay nakakita na gyud siya sa personal sa Formula One driver nga si Charles Leclerc atol sa usa ka event sa usa ka sportswear brand didto sa Singapore sa niaging adlaw .

Gipaambit ni Julia sa Instagram ang ilang litrato human  human sa ilang panagtagbo sa maong kalihokan .

Kahinumdoman nga nahimong   runner-up si Charlie sa 2022 Formula One World Drivers’ Championship ug nakalangkat na usab kini og siyam ka kadaogan sa  Grand Prix .

Lyca nahimout sa memes

Nahimout og maayo  si Lyca Gairanod sa subling  pag-viral  sa awit niya nga  “Puede Nang Mangarap”. Kahinumdoman nga mao kini ang  debut single ni Lyca sa dihang 10 anyos pa lamang siya. Apan niadtong Septiyembre 2026, misikat pag-usab ang kanta human kini gigamit sa mga meme sa social media.

Usa ka tuig na

Usa na ka tuig ang relasyon sa singer-actress nga si Frankie Pangilinan ug ang iyang boyfriend nga si Dan Laurel.Gisaulog sa mag-uyab ang ilang first anniversary bag-ohay lang, base sa social media post ni Frankie. Kahinumdoman nga dili modirekta og tubag si Frankie kaniadto kung pangutan-on kalabot sa relasyon nila ni Dan.

Bashers gisuklan ni Kobe

Gipaambit sa basketball player nga si Kobe Paras ang iyang  personal nga mensahe sa Instagram Story diin iyang gipasalamatan ang mga tawo nga padayon nga naghatag kaniya og suporta ug tinuod nga gugma bisan pa sa mga pagsaway  nga iyang nadawat online.Gitubag  usab niya ang  mga basher nga kanunay mohatag og negatibong opinyon bahin sa iyang kinabuhi ug personal nga mga desisyon.Suma pa  ni Kobe, napungot siya sa negatibong mensahe  sa mga tawo nga dili suweto sa iyang kinabuhi. “It just irritates me because none of you know me. there’s only a few people that really know who I am and I’m  going to keep it that way,” ni Kobe pa.