Bela ug Martin Tan nagbulag

CEBU, Philippines — Duha ka semana na ang nilabay sukad nga gipahibalo nila sa publiko ang ilang relasyon, gikumpirmar na pud ni Bela Padilla dili pa lang dugay nga nagbulag na sila ni  Martin Tan.

Sa iyang Instagram post, miingon si Bela nga iyang desisyon nga magpadayon sila sa ilang tagsa-tagsa ka dalan .

“I’m deciding for both of us to move forward separately to save whatever we can of ourselves and how we see each other,” ni Bela pa.

Gisulti ni Bela nga pipila na ka bulan silang nag-date ni Martin ug gihulagway niya kini isip unang relasyon diin tinuod siyang nahigugma pag-ayo. Suma pa niya, pareho sila og hilig sa pelikula, food markets ug uban pa , apan labaw sa tanan, nalingaw sila sa  panahon nga nag -uban sila.

Gipasalamatan usab ni Bela ang iyang fans nga kanunay nalipay  alang kaniya sa matag higayon nga makakaplag siya og hinigugma.

“I feel extremely lucky that every time love finds me, you all seem genuinely happy for me.Maybe it’s because I share what I can, and you’ve somehow come to know me as your friend who falls in love, gets heartbroken, and who you sometimes want to hug, scold, or grab a beer and cry with,” sa aktres pa.

Nilungtad og walo ka buwan ang ilang relasyon.

Kever sa mga negatibong  komento

Gitataw ni Carlos Yulo nga naa na siya sa hugna  sa iyang kinabuhi diin dili na siya maapektuhan sa mga negatibong  komento sa ubang tawo. Sa episode sa “Unang Hirit” kagahapon , gipangayoan  ang Asian Games gold medalist kabahin sa iyang reaksyon sa mga tawo nga kanunay siyang gi-bash sa social media. Suma pa niya nga dili na siya madutlan sa isulti sa ubang tawo .“Personally, I have no reaction. I don’t really care what other people say.The important thing is my own opinion of myself, and right now, my chosen family’s perspective about me,” niya pa.

Best Film

Nalakip ang award-winning documentary film nga “58th” sa listahan sa Rolling Stone Philippines nga Best Films of 2026 .Gipagawas bag-o lang sa pop culture magazine ang midyear list niini, diin napili ang 14 ka lokal ug internasyonal nga pelikula nga nakahatag og dakong impresyon sa 2026.

Aiah makauban  ni James

Gipahibalo  ni James Reid nga si BINI Aiah ang iyang makauban  sa music video sa iyang bag-ong single nga “Attention.”  Gikahinaman kini og maayo sa fans sa singer-actor.