Coco gibalibaran ni Direk Joel

CEBU, Philippines — Gibalibaran ni  Direk Joel Lamangan ang tanyag ni  Coco Martin nga mahimong kabahin sa serye nga  ‘Sigabo.’ Nipahuway si Direk Joel sa pagdawat og mga serye gumikan kay hatagan niya og atensyon ang pagbuhat og mga pelikula. Kahinumdoman nga nalakip si Direk Joel sa serye ni Coco kaniadto nga Batang Quiapo.  

James nagpanikad sa iyang first horror film

Sa labing unang higayon , masuwayan na gyud ni James Reid nga mahimong kabahin sa usa ka horror film  busa excited na kaayo siya niini .

Una na nga gianunsyo ang pagkalakip sa aktor sa horror  film nga Haunted Carnival , ang entry sa Regal Entertainment sa umaabot 2026 Metro Manila Film Festival .

Naghinam-hinam na pud siya nga makatrabaho ang direktor sa maong pelikula nga si   Joey de Guzman ug sa ubang  cast members nga sila  Maricel Soriano, John Arcilla, Julia Barretto, Fyang Smith,  RK Bagatsing, ug uban pa .  —SJA

Andres ug Kai , dunay relasyon?

Niulbo karon ang hungihong nga matud pa dunay  relasyon sila Andres Muhlach ug ang Cebuana actress nga si Kai Montinola. Wala pa  mohatag og komento ang duha ka kampo kalabot sa maong taho.

Nabatyagan ang ilang chemistry sa dihang nagkaabot sila sa pipila ka mga kalihokan .

Si Andres kay talent sa Viva Artist Agency , samtang si Kai kay gihuptan sa Star Magic .