Nustar at Gin, nagsanib!

Isang mahalagang milestone ang naabot ng NuStarOnline sa pangako nitong maghandog ng premium at makatotohanang karanasan sa ating mga kababayan.

Ang luxury lifestyle gaming platform ng bansa ay nakiisa sa Manila Gin Festival. Ang pagsali nila sa pinakaaaba­ngang pagdiriwang sa local lifestyle at spirits scene ay patunay na pagkilala sa estado ng brand sa parehong larangan.

Ginanap sa isang masiglang tanawin ng BGC Amphitheater noong ika-20 at 21 ng Pebrero 2026, ang dalawang araw na open-air festival ay pinagsama-sama ang mga mahilig sa gin, alagad ng sining at madla para sa isang pagtitipon na ipinagdiriwang ang lasa at kultura.

At sa gitna ng pagdiriwang ay isang kahanga-hangang pagpapakita ng higit sa 45 premium spirits na itinatampok ang iba’t ibang halo ng lokal at pandaigdigang brand ng mga gin.

Ang mga dumalong bisita ay inanyayahan na siyasatin ang lahat mula sa timeless gin classics hanggang sa modern, experimental blends at signature cocktails na itinatampok ang natatanging botanicals at pagkakayari.

Ang mga bartender ay nagbibigay ng mga pananaw ukol sa profile ng lasa at mga teknik na nagpapaangat sa bawat sandali ng pagtikim.

Habang ginaganap ang mga pangyayaring ito, handog ng NUSTAR Online ang kanilang on-ground engagement na sumasalamin sa premium ngunit abot-kamay na lifestyle positioning ng brand.

Ang mga bisita ay tinanggap sa isang interactive space kung saan nasiyahan sila sa mga photo booth, nakatanggap ng tubig at nakasali sa mga raffle, kung saan nakadagdag pa sa kanilang pananabik ay ang pagbigay ng NUSTAR Online ng gantimpala sa anim na masusuwerteng dumalo ng libu-libong halaga ng free gaming credits na nagpapatibay sa kultura ng brand na mapagbigay, batay sa karanasan ng pagbibigay gantimpala.

Sa kasalukuyan ay ipinagpapatuloy nila ang 2M26 campaign na siyang nagbibigay sa mga dumalo ng pagkakataon na manalo ng dalawang motorsiklo at P1 million kapag naabot ang 2 million followers sa kanilang Facebook page.

[Oshi No Ko] 2, parating na!

Inanunsyo ng Crunchyroll na ang [OSHI NO KO] Season 1 ay available na para i-stream sa platform, at darating ang Season 2 ngayong Spring.

Pinalalawak ng acquisition na ito ang availability ng isa sa mga pinaka-pinag-uusapang makabagong serye ng anime at binibigyan ang mga tagahanga ng pagkakataong maranasan ang kuwento mula pa sa pinakasimula habang nagpapatuloy ang lingguhang simulcast ng Season 3 sa Crunchyroll.

Sa pakikipagtulungan sa mga partner kabilang ang HIDIVE, inilulunsad ang Season 1 sa Crunchyroll na may mga bagong inihandang subtitle para sa piling mga wika, kasama ang English dub na available na agad. May karagdagang mga local subtitle na nakaplanong ilabas sa buong Spring.

Ang [OSHI NO KO] ay hango sa award-winning manga na isinulat ni Aka Akasaka (Kaguya-sama: Love is War) at inilarawan ni Mengo Yokoyari (Scum’s Wish).

Idinirehe ni Daisuke Hiramaki (Asteroid in Love) ang serye, habang si Jin Tanaka (The Misfit of Demon King Academy) ang series composition writer. Ang animation ay pinrodyus ng DOGA KOBO (Alya Sometimes Hides Her Feelings in Russian).

Pinagbibidahan ito nina Takeo Otsuka bilang Aqua Hoshino, Yurie Igoma bilang Ruby Hoshino, Megumi Han bilang Kana Arima, Manaka Iwami bilang Akane Kurokawa, Rumi Okubo bilang MEMcho, at Rie Takahashi bilang Ai Hoshino.