Gipahilak ang mga hurado
CEBU, Philippines — Nahimout ug nakahilak ang mga hurado sa South Korean TV show nga “Sing Again 4” sa kanindot sa performance sa Pinay singer nga si Gwyn Dorado.Nakasulod na si Gwyn sa Top 16 sa maong kompetisyon nga nagsugod sa 81 ka contestants .Gidalit ni Gwyn ang version niya sa “One Late Night in 1994” .“This song, felt like a letter to my family in the Philippines, " suma pa ni Gwyn.
Nakakuha og bag-ong passport
Wala kapugong ang aktres nga si Kaye Abad sa pagtulo sa iyang luha human siya nakabaton og bag-ong pasaporte. Kahinumdoman nga gikawat ang iyang bag sa dihang nibakasyon siya sa niaging semana didto sa Las Vegas . Ang maong bag maoy gisudlan sa iyang mga ID ug passport .
Proud sa BINI
Gibutyag sa Sexbomb Girls nga sila Aira Bermudez ug Aifha Medina nga proud kaayo sila sa naabtan karon sa grupong BINI. Nahisgotan nila kini atol sa guesting nila sa “Fast Talk with Boy Abunda” niadtong Huwebes . Matud pa nila nga panahon gyud ron sa BINI ug angayan kini nga ipasigarbo sanglit naghatag usab kini og dungog sa Pilipinas .
- Latest



















