Magbase sa Amerika

CEBU, Philippines — Anam -anam na nga gipamaligya sa kanhi  child star nga si Isabelle de Leon ang iyang mga butang gumikan kay sa Amerika na gyud siya  magbase. Pipila sa sikat nga TV projects ni Isabelle kaniadto kay ang  Mulawin ug Daddy Di Do Du.

Proud ang ginikanan

Todo suporta ang magtiayong  Aga Muhlach ug Charlene Gonzalez  ngadto sa ilang  anak nga si Atasha Muhlach kinsa usa sa mga bida sa  digital series nga “Bad Genius: The Series.” Nitambong ang magtiayon  bag-ohay lang sa   special screening sa maong  digital series.  Gipasigarbo nila ang  dakong kalamposan nga naangkon sa ilang anak sa showbiz .

Gipistahan ang trailer

Nakalangkat dayon og kapin sa 1 million views ang trailer sa upcoming trailer sa horror film nga "P77"  sulod lang sa 24 ka oras gikan sa pag-upload niini  sa nagkalain-laing platforms. Si Barbie Forteza ang bida sa maong pelikula .

Jessy mitataw nga wala kasuway nahimong third party

Gitataw sa aktres nga si Jessy Mendiola nga  nga bisan kausa, wala gyud siya kasuway mga nahimo siya nga third party sa usa ka napakyas nga relasyon .

Nahisgotan ang maong butang sa interview sa aktres sa  YouTube channel ni Ogie Diaz.

Kahinumdoman nga gihukman siya sa nilabay nga mga panahon  nga third party sa  napakyas nga lovelife kaniadto sa iyang bana nga si Luis Manzano .

Dili matud pa malikayan nga masakitan siya  gumikan kay dili gihapon siya tuohan sa ubang tawo bisan paman nga nihatag na siya og katin-awan sa isyu.

"Kahit paulit-ulit kong sinagot, hindi ako pinapaniwalaan ng mga tao… kung ano ang tingin nilang totoo, yun ang paniniwalaan nila,” saysy pa ni Jessy.

Gitataw sa aktres nga nasayod siya sa kamatoruan busa gidawat na lang niya ang gipanulti sa ubang tawo.

SONA 2025 Sofronio mokanta sa National Anthem

Gikumpirmar sa  Presidential Communications Office (PCO) nga si Sofronio Vasquez ang napili nga mokanta sa  nasudnong awit sa ikaupat nga State of the Nation Address (SONA) ni Presidente  Ferdinand R. Marcos Jr. karong Hulyo 28.

Nailhan si Sofronio sa kadaghanan gumikan kay siya ang grand  champion sa The Voice USA - Season 26. 

Nakasalmot usab siya kaniadto sa Tawag Ng Tanghalan sa It's Showtime.  Kasakit sa kinabuhi ug gugma, atubangon nila Anne, Joshua, ug Carlo sa “it’s okay to not be okay”

Saksak sinagol  ang mahimong bation, sama sa kasakit ug gugma  alang sa mga manan-aw sa bag-ong idalit sa ABS-CBN  Studios nga  Pinoy adaptation sa sikat nga  Korean drama nga “It’s Okay to Not Be Okay”.

Gibitoonan kini  nila Anne Curtis, Joshua Garcia, ug Carlo Aquino. Sugdan ang maong serye karong  Hulyo 21.

Ang sugilanon magatutok kang Patpat (Joshua), usa ka psychiatric caregiver, nga nag-atiman sa iyang magulang nga si Matmat (Carlo )nga adunay autism. Mausab ang ilang kinabuhi dihang ilang maila-maila si Mia (Anne ), usa ka bantog apan problemadong manunulat sa mga librong pambata. Sa kalawom sa ilang relasyon ni Mia ug Patpat, uban ni Matmat, ilang atubangon ang mga samad sa kagahapon.

“This is a universal story that everyone would be able to relate to. It’s a healing story and it’s a beautiful journey of love. And at the end of the day, every Filipino, whether it’s family or friends, will be able to relate to the story of healing, pain, and love,” nagkanayon si Anne  atol sa mediacon sa maong serye.

Nagkanayon  si  Direk Mae Cruz-Alviar, ilang gitimplahan ang pagtuki sa mental health issues aron dali masabtan sa mga manan-aw:

“Kailangan natin i-ayon sa pagtanggap ng audience sa ganitong talakayan tungkol sa mental health. Kasi hindi ganun kalaki ang awareness, so kailangan namin i-handle na ‘wag biglaan ‘yung audience, na ‘wag sila ma-overwhelm. So there is careful handling in telling the story but also staying true to the core of the show,” pagpasabot sa direktor.

Gisaysay   usab ni Joshua Garcia kung giunsa niya pagka-relate  sa iyang papel isip  Patpat Gonzales:

“Nakaka-relate ako sa kanya kasi parehas kaming mapagmahal na kapatid at nangungulila sa nanay. Pati ‘yung pagka-burned out ng character ko, naramdaman ko rin,” ni Joshua pa.

Samtang si Carlo  nga modala isip  Matmat Gonzales, naghisgot kung giunsa niya  pag-andam ang iyang karakter . Niapil  siya sa mga workshops ug  nisulod sa mga espesyal nga tunghaan.

Apil usab sa cast sila Rio Locsin, Bobot Mortiz, Michael De Mesa, Maricel Laxa, Agot Isidro, Enchong Dee, Kaori Oinuma, Bodjie Pascua, Ana Abad Santos, Sharmaine Suarez, Xyriel Manabat, Louise Abuel, Francis Magundayao, Alora Sasam, Alyssa Muhlach, Bianca De Vera, Aljon Mendoza, ug Mark Oblea.

Ang serye gidumala nila Direk Mae Cruz-Alviar ug Raymond Ocampo, uban sa creative producer nga si Henry Quitain ug Star Creatives business unit head nga si Des M. De Guzman.

Makita ang “It’s Okay to Not Be Okay” matag gabii sugod Hulyo 21 alas 8:45 PM sa Kapamilya Channel, Kapamilya Online Live, A2Z, ug TV5, samtang mas sayo kini makita sa Netflix (Hulyo 18) ug iWant (Hulyo 19).

P-Pop boy group nga WRIVE, dunay duha ka pasabog sa ilang debut

Opisyal na nga  gilusad  sa bag-ong Pinoy boy group nga WRIVE ang ilang double-title music offering nga “Ooh La La” ug “Señorita” , timailhan sa ilang opisyal nga debut isip labing bag-o nga P-Pop boy group nga gikan sa ABS-CBN.

Ang WRIVE kay gilangkuban nila Asi, Drei, Ishiro, Mathew, ug Russu  nga unang nagkauban isip Dream Chaserssa idol survival show nga “Dream Maker” niadtong 2022. Gihuptan  sila karon sa Polaris-Star Magic, ang record label  sa ABS-CBN.

Ang ngalan nga WRIVE nagagikan sa pulong nga “we have arrived,” nga nagpasabot sa ilang panaghiusa aron maabot ang ilang damgo.

Ang ilang  awit  nga “Ooh La La” naghisgot sa pagpaningkamot nga makab-ot ang langit uban sa tinuod nga gihigugma. Kini gi-prodyus ni Jonathan Manalo, head sa ABS-CBN Music content, creatives, and operations, ug gisulat nila ALAS ug Jeremy G.

Samtang, ang awit  nga “Señorita”, nga adunay Latin influence, usa ka pop-R&B track nga gisulat sa mismong miyembro nga si Russu ug gi-prodyus usab ni ALAS. Naghisgot kini sa paningkamot nga makuha ang kasingkasing sa ilang gihigugma.

Makita na ang music video sa “Ooh La La” karong alas 8 sa gabii, Hulyo 17 , sa ABS-CBN Star Music YouTube channel.

Ang duha ka awit  mahimong kabahin sa debut album sa WRIVE .Gilauman usab nga mopakita og talento ang grupo sa umaabot nga Star Magic All-Star Games 2025, nga pagahimoon sa Araneta Coliseum karong . Madungog ang “Ooh La La” ug “Señorita” sa nagkalain-laing streaming platforms.

“Incognito” namintinar ang kalig-on niini sa Netflix  ug iWant

Padayon nga gisundan sa viewers sila Richard Gutierrez, Ian Veneracion, Baron Geisler, Maris Racal, Anthony Jennings, Kaila Estrada, ug Daniel Padilla sa ilang nagkagrabeng engkuwentro batok sa kadautan sa seryeng “Incognito” nga naa na karon sa final week. Sukad sa paglusad sa “Incognito,” wala gyud kini nawala sa listahan  sa top 10 most-watched TV series sa Netflix ug iWant, ilhanan sa dakong suporta sa publiko. Nakadawat usab kini og daghang positibong komento tungod sa bug-at nga  action scenes, nindot nga mga lokasyon, ug ang  dili basta-basta nga  pag-arte sa tibuok cast.

Human sa lisod nga  mga misyon ug dagkong sakripisyo, moengkwentro sila JB (Richard), Greg (Ian), , Gab (Maris), Tomas (Anthony), Max (Kaila), ug Andres (Daniel) sa katapusan nilang misyon aron mapukan si Manuel (Joem Bascon) ug ang iyang kriminal nga organisasyon.

Nahimong emosyonal ang viewers sa  eksena kun diin nangayo og pasaylo sila JB ug Greg ngadto kang Andres tungod sa kapalaran sa iyang igsoon nga si Jun sa ilang niaging  misyon.