Nagpadayon ang relasyon
CEBU, Philippines — Nagpadayon ang pagbinayloay og mga sweet nga mensahe sa social media sila si Sofia Andres ug Daniel Miranda. Nagpamatoud kini nga dili tinoud ang nanggawas nga taho nga matud pa giputol na sa duha ang ilang relasyon.
Kate nataypan ni Kim
Gibutyag ni Kim Perez nga dream partner niya sa usa ka proyekto ang aktres nga si Kate Valdez . Napanglantawan niya nga dali ra sila magkasinabot ni Kate. "Gusto ko ang personality ni Kate actually. Kasi before nakilala ko na siya sa commercial, " saysay pa ni Kim sa interview niini sa “Fast Talk with Boy Abunda”.
Masulob-on
Giangkon sa It’s Showtime host nga si Vice Ganda nga usa siya sa mga nagoul pagkahibalo nga nagbuwag sila sila si Kathryn Bernardo ug Daniel Padilla.Matud pa niya nga puros niya mga higala ang kanhi mag-uyab.
Nag-uban sa Indonesia
Nagkauban sila si Sunshine Cruz ug Cesar Montano sa pagsaulog sa 18th birthday sa ilang anak nga si Chesda didto sa Bali, Indonesia. Gipaneguro sa duha nga makahatag og oras sa ilang anak bisan paman nga dugay na sila nga nagbuwag.
Alexa na-starstruck kang Marian
Puwerting lipaya ni Alexa Ilacad sa dihang nakapahalugway siya sa iyang idolo nga si Marian Rivera.
"I can't contain my kilig," niya pa.
Kahinumdoman nga makadaghan na ka higayon nga nakapahulagway siya kang Marian apan dili gyud siya mapul-an niini.
Una na niya nga gibutyag nga makahunong gyud siya kun makakita kang Marian.
Problema sa SB19 nasulbad na
Nahusay na ang SB19 ug ang kanhi nila talent agency nga ShowBT Entertainment busa wala na'y problema ang pagamit sa logo ug sa pangalan sa ilang grupo.
“We formally announce that we have come to an amicable agreement with ShowBT Philippines Corp. through a fair and equitable resolution,” kabahin sa Facebook post sa bag-ong kompanya sa SB19 nga 1Z Entertainment. Tungod sa maong kalamboan ,mapadayon na ang nakalinya nila nga mga kalihokan. “Thank you for your patience and unwavering support towards SB19 and 1Z Entertainment. Pablo, Josh, Stell, Ken, and Justin eagerly anticipate reconnecting with all of you in their upcoming endeavors. We can’t wait to see you all again soon,” dugang pa sa maong talent agency.
AWIT MARIA: The Concert
Human nagmalampuson ang Awit Maria Song Writing Contest sa niaging tuig, paghimoon pud karong Disyembre 8 , 2023 ang AWIT MARIA: The Concert. Pagahimoon kini sa gawas nga bahin sa Archdiocesan Shrine of Our Lady Guadalupe de Cebu sa alas 8 sa gabii sa nahisgotan nga petsa.
Nasayran nga ang maong kalihokan kay nagtangag og mensahe nga mopalig-on og samot sa atong debosyon sa Balaang Inahan.Nagpakita usab kini kun unsa ka importante si Maria sa atong tagsa-tagsa ka kinabuhi. Nag-ugat ang maong plano sa bag-ohay lang nga napili nga Konsehal sa Barangay Guadalupe sa Dakbayan sa Sugbo nga si Cliff Yunson Racuya .
Usa ka deboto si Racuya sa Mahal nga Birhen sa Guadalupe busa aktibo gyud siya sa pagsalmot sa mga relihiyosong kalihokan .
Siya usab ang choreographer sa award-winning nga Banauan Cultural Group.
Ang performers sa Awit Maria : The Concert kay sila si Carlo Ryann Capucao, Jingle Placencia Sesican, Roy Tabasa, Riel Tabasa , Lito Reynaldo Egam, Teodoro Ebrado, Kimberly Patricia Aliño, Jetrine Gante , Manuelita Orig, Grevic Salimbagat, Jose Fernan Catubig , Jiezelle Bayona , Jundel Bacalso, Froilando Amal Jr., Kristel Budumo, Phillip Mancol , ug Hardie Bigcas.
Si Andro Banate ang event director sa maong concert ,samtang si Neil Salarda maoy musical director .
Jimmy nakapasar sa bar exam
Usa ang OPM singer nga si Jimmy Bondoc sa mga nakapasar sa 2023 Bar examinations.
Kahinumdoman nga gi-release sa Supreme Court ang listahan sa mga nakapasar niadtong Martes.
Si Jimmy o James Patrick Romero Bondoc sa tinoud nga kinabuhi , nipadayag nga dugay na gyud niya nga gipangandoy nga mahimong abogado busa ni-eskwela siya og law niadtong 2017
Usa sa sikat nga mga kanta ni Jimmy kay ang "Let Me Be The One."
Lyrics video sa "Malay Ko"
Gipalugwa na
Gi-release na sa Star Music bag-ohay lang ang lyrics video sa awit ni Daniel Padilla nga "Malay Ko" .
Usa kini sa mga themesong sa sikat nga 2018 film nga "The Hows of Us" nga gibidahan mismo nila ni Daniel ug Kathryn Bernardo. Ang lyrics video sa "Malay Ko" kay makita sa official YouTube page sa Star Music. Giingong nahaom kaayo ang pag-release niini ilabi na nga bag-ohay lang niangkon ang KathNiel sa ilang breakup.
Isyu sa trademark TAPE moapelar sa IPO
Moaopelar ang Television And Production Exponents (TAPE), Inc. ngadto sa Intellectual Property Office (IPO) kalabot sa pagkuha og balik sa trademark sa "Eat Bulaga" ug "EB".
Kahinumdoman nga gibakwi sa IPO sa TAPE ang pagtugyan kanila sa maong trademark niadtong Disyembre 4, 2023, ug mao kini ang nahimong dalan nga nakuha kini og balik nila ni Tito Sotto, Vic Sotto, ug Joey de Leon. Sa report sa 24 Oras ,gibutyag sa usa sa mga abogado sa TAPE nga si Atty. Maggie Abraham-Garduque nga duna pa sila'y dugang legal nga mga pamaagi aron makuha og balik ang trademark.
“TAPES’s handling lawyer for IPO cases, Atty. Siao, has not received copy of said decision yet.But if this is true, under the rules, TAPE can appeal this decision to the director of BLO of IPO," matud pa niini.
Samtang sa presscon sa TVJ ug sa ubang Dabarkads kagahapon, gibati nila ang tumang kalipay sa nakab-ot nga hukom sa IPO. Suma pa nila nga ubay-ubay pa ang mahimong atangan sa programang E.A.T. ilabi na sa bag-ong kalamboan nga ilang nahiagoman. Gipadungog usab nila kagahapon ang theme song sa "E.A.T. Bulaga".
- Latest