ABS-CBN Christmas Special 2021

CEBU, Philippines — Gabii nga puno sa hudyaka ug mga sorpresa ang masaksihan sa mga Pinoy sa  umaabot nga  “Andito Tayo Para Sa Isa’t Isa: The ABS-CBN Christmas Special 2021” karong Disyembre 18 , Sabado sa alas  8 sa gabii.

Kapin sa 100 nga Kapamilya stars ang modalit sa hugyaw nila nga mga pasundayag. Ang maong Christmas Special makita sa Kapamilya Channel, A2Z, Kapamilya Online Live, iWantTFC, ug TFC.

Ipahinungod nila kini sa mga tawo nga makonsiderar nga mga bayani gumikan sa mga maayong binuhatan nga gipakita nila ngadto sa ilang isigkatawo nga naghatag usab og paglaum sa nasud.

Sa ikaduhang higayon, ang  aktor ug dancer nga si  John Prats maoy direktor sa Kapamilya Christmas Special.  

Molugwa usab ang mga personalidad sa  ABS-CBN News, mga social media sensation, ug pipila ka international artists.

“Makakasama niyo na kami para i-celebrate ang Pasko sa Andito Tayo Para Sa Isa’t Isa. It’s the ABS-CBN Christmas Special 2021 and you can watch it on December 18 at 8 pm kaya magkita-kita tayo,” suma pa ni Gary Valenciano sa usa ka video message.   Duna pu'y idalit ang Star Magic sa mga Pilipino  nga  “Star Magical Christmas: The Star Magic Christmas Special 2021” nga magsilbing pre-show sa ABS-CBN Christmas Special ug makita kini sa  ABS-CBN Entertainment YouTube Channel sa alas  4 sa hapon sa susama nga adlaw  ug ma-stream kini sa YouTube channels sa Star Magic, Showtime Online Universe, ABS-CBN Star Hunt, Rise Artists Studio, Star Music, ug MYX Global.

Duna puy idalit alang sa  Bantay Bata 163  sa  ABS-CBN Foundation  ug naglangkob niini ang ang mga artista nga ubos sa Star Magic, Polaris, Star Hunt, ug Rise Artists Studio, kauban ang “Pinoy Big Brother Kumunity Season 10” housemates.

Basta trabaho

Dili problema alang kang Kim Chiu nga tua na sa pikas estasyon ang iyang uyab nga si Xian Lim. Suma pa niya sa presscon sa iyang Metro Manila Film Festival movie “Huwag Kang Lalabas”, sa network lamang sila nagbuwag ni Xian, ug dili sa relasyon. Matud niya nagsuportahanay sila ni Xian ug nakasabot siya nga kun hain ang trabaho, adto sila. Sa wala pa nibalhin sa GMA Network si Xian, matud ni Kim, wala kini  trabaho sa ABS-CBN, busa gidawat niini ang tanyag aron mamahimong kapuso.

Mga nakat-onan ni DJ

“I think mas binigyan ko lang ng importansya yung mga bagay na mahalaga sa akin. Ayokong sinasayang yung mga panahon. Na-realize ko din na napakabilis din kunin ng mga bagay sa atin so let’s not take anything for granted. Mas dun ako eh. Basta nag-enjoy ako sa ginawa ko, at maayos yung ginagawa ko at alam kong inspirational siya, I’ll do it. laging ganun. Walang kapalit. At saka yung mga ganitong project hindi mo puwedeng hindian. Kasi hindi man ma-gets ng maraming tao, pero siguro ma-ge-gets ng karapat-dapat. Mas ganun lang,” kana maoy mga naamgohan ni Daniel Padilla karon nga adunay pandemya ug ang mahitungod sa iyang pagdawat sa award-winning movie nga “Kun Maupay Man It”, nga lakip sa mga entries sa Metro Manila Film Festival karong tuiga.

Gawas na, dai

Kun si Miss Q&A Season 1 Grand Winner Juliana Parizcova Segovia maoy pabut-on, buot niya nga mogawas na sa Bahay ni Kuya sa Pinoy Big Brother Celebrity Edition ang iyang higala nga si Brenda Mage. Nasayran nga daghan nang naglagot kang Brenda gumikan sa pagka himantayon niini, plastic ug pagka atribida sa sulod. Gani gikalagotan na siya sa netizens ug buot sila nga ma evict na gyud ang komedyana sa hingpit. Busa mensahe ni Juliana:  “Brenda Mage, sige na, lumabas ka na ng Bahay ni Kuya. Masyado ka nang durog na durog dahil sa mga nakikita nila. At bilang isang tunay na kaibigan, mas gusto ko na lumabas ka para maisalba mo pa ang pangalan mo na unti-unting nasisira habang nasa loob ka ng bahay.