Uli na dong

CEBU, Philippines — "Pauli na dong", ang nagkatawa nga tubag ni Representative Lucy Torres Gomez, sa komento sa iyang bana nga si Ormoc City Mayor Richard Gomez. Ang reaksyon ni Goma nagkanayon, I'm coming home, honey. Kini human nag-upload si Lucy og swimsuit photo niya sa instagram. Ubay-ubay ang nahugyaw sa kaanyag ni Lucy sa mao niyang post. Nipakpak ang mga netizens sanglit makabibihag pa kaayo si Lucy sa edad nga 45 anyos.

"Share the love"

Gibandera na ni Ella Nympha ang iyang bag-ong single nga nag-ulohan og "Share The Love" nga usa ka christmas song. Subay sa title mismo paghinigugmaay ug pagnaghiusa ang mensahe sa awit sa kanhi The Voice Kids grandwinner.

Wakoy labot

Giklaro ni Sunshine Cruz nga wala na matud pa siya ni komento kabahin sa iyang kanhi bana nga si Cesar Montano. "My ex husband is none of my business", ang linya ni Sunshine taliwala sa rebelasyon nga may anak si Cesar ug kanhi beauty queen nga si Sandra Seifert.

Kat-on gyud kanunay

 Natapos na ni Neri Naig ang iyang entrepreneurship program sa Harvard University nga iyang gikuha online. Matud ni Neri nga angayan nga dili gyud mohunong sa pagkat-on og bisan unsa nga makatabang sa paglambo.

Grasya sa pandemic

Sunod-sunod ang proyekto ni Kokoy de Santos bisan paman og adunay pandemya. Human sa BL series nga Gameboys, lain pa siyang BL series nga mao ang Oh! Mando. Karon aduna pa siyay rom-com series sa TV5 nga mao ang Stay in Love ug leading lady niya si Maris Racal. Mapasalamaton siya niining tanan apan nipadayag nga nabag-ohan matud pa siya sa lock in taping.

Million views dayon

Nakaangkon gilayon og kapin milyon ka Youtube views nga Ikaw Ang Liwanag at Ligaya ng Pasko. Kini sulod lamang sa 15 ka oras sukad sa pag-upload.

GKNB worldwide na

Makita na tibuok kalibutan ang mibalik nga Pilipinas, Game Ka Na Ba? sa Kapamilya Network. Kini kay sugod ugma, isalida na pud kini pinaagi sa IWant TFC. Si Robi Domingo na ang host niining maong game show nga makita pud sa Kumu app.

Donasyon ni KC

Nahalinan si KC Concepcion og kapin sa P200K sa mga alahas nga siya mismo ang nagdesign. Ang tanang halin iyang gihinabang sa tanang naapketuhan sa bagyong Ulysses.

Daniel, nakatigom na'g husto

Nakapamundo na gyud matud pa si Daniel Padilla nga bisan og mo undang na kini sa showbiz sa edad nga 35, makasuporta na kini sa iyang umaabot nga mga anak ug apo.

Kini suma pa sa inahan ni Daniel nga si Karla Estrada sa interview ni Dra. Vicki Belo para sa iyang vlog.

Meron na siyang savings niya na he’s good at 35 kahit di na siya magtrabaho hanggang apo niya. Nagtabi na tayo,” ni Karla pa. Suma pa niya, dili magpunay og pangayo si Daniel, pero kun mangayo na gani ni'g kwarta niya, pangandam na lang kay dako gyud kini'g ibungat.

Si Karla maoy  nagdumala sa kwarta ni Daniel.

"Hindi naman siya palahingi. Hindi ‘yun humihingi ng pera … ng cash. Pero mag-alala ka nag ‘Ma’ na ‘yan. Iba-ibang tono ‘yan eh. ‘Pag ‘Hi, Ma!’ nako patay tayo diyan. ‘Oh Ma, may darating na sasakyan ha!’” Karla said. She added in jest: “Hindi siya humihingi [palagi] pero ‘pag humingi siya, kumapit ka na sa pader.” Pwes, ang solusyon ni Karla mao nga si Daniel maoy pagguniton niya'g kwarta. "Ngayon, ang gagawin ko, siya na ang paghahawakin ko ng pera niya para maramdaman niya ang feeling ‘pag nahawakan niya ‘pag babawasan niya ng ganito kalaki. Mararamdaman niya ‘yung feeling na ‘Ah, sayang’ Di niya kasi hawak eh. Kaya easy for him to say na ‘Oh Ma, bayaran mo ito. Oh Ma, may kukunin ako dito!’"/Gikan sa PUSH