Natural ang chemistry

CEBU, Philippines — Gipaambit sa aktor nga si Richard Juan nga higala na sila  daan ni Kim Chiu sa wala pa sila nagkapares sa afternoon series nga ‘Love Thy Woman’ ug mao siguro matod pa ang rason nganong natural ra kaayo ilang on-screen chemistry  base sa obserbasyon sa ilang fans. “I guess it just comes naturally? Maybe it also helps that we are friends naman din off-cam? But I’m just glad that people do see the chemistry and hopefully people will continue to support Richie Tan,” sigon pa sa aktor.

Gisapot ang comedy queen

Niinit ang ulo sa komedyanteng si Ai-Ai delas Alas human siya gipasanginlan sa ubang netizens nga nag-hoarding o gihurot pagpalit ang alcohol ug hand sanitizers. Niya pa, para kini sa iyang mga kliyente nga gibaligyaan niya sa mga produkto nga iyang gi-endorso. "Kaya ako nag post kasi matagal ng orders yan pinapaalam ko lang na dumating na. UMAYOS NGA KAYO AT LUMAYAS KAYO SA IG KO!!! ATSAKA ENDORSER AKO NG RICH SKIN CARE SILA NAG BEBENTA NYAN GINAWA AKONG SELLER NG MAY ARI" paghot pa sa komedyante.

Wala nagkauyab

Kusganong gihimakak ni Sunshine Cruz ang gipanabi ni Chuckie Dreyfus nga daw nagkauyab sila kaniadto.“There was no US! Lalong wala akong inilaan na 6-7 months para sayo. Sabi mo nga hindi mo na matandaan. Ano ba talaga? Baka naman ibang tao ang tinutukoy mo?10 naman pala ang naging gf mo so bakit kami pa ni Jessa na hindi mo din naman pala naging gf ang binanggit mo?,"pahungaw pa ni Sunshine.

Saludo sa ABS-CBN

Gidayeg ug gipasalamatan ni Melai Cantiveros ang iyang mother network nga ABS-CBN sa giluwatan niining pamahayag nga bisan gihunong una nila ang pagpagawas sa mga salida ug  tapings tungod sa COVID-19, duna gihapo’y madawat ang  ilang mga trabahante, mga artista ug managers. “Yes totoo. Thank you Kapamilya network, my company, dahil sa mabilisang aksyon sa COVID-19 at ‘di rin kami pinapabayaan mga trabahante,”sigon pa niini.

Wala nay gawgaw

Nangangha matod pa si Direk Joel Lamangan nga bisan gawgaw kay nahurot na sab sa grocery tungod sa pag-panic buying sa publiko human gipaubos og  community quarantine didto sa kaulohan. “Bakit kaya? Bakit walang gawgaw? Bakit naubos na? Lahat ng tao ba, mag-aalmirol?” sigon pa ni direk Joel.

Nagpasalamat sa healthcare workers

Nidonar og mga pagkaon si Neri Naig ug iyang pamilya ngadto sa healthcare workers sa Tagaytay kinsa frontliners  sa pagpakgang sa pagkuyanap sa COVID-19 nga nanghasi sa nasud karon. "Gusto lang namin talaga na iparamdam sa kanila kung gaano namin naa-appreciate yung ginagawa nila at sana sa ganitong paraan ay mapangiti namin sila inspite ng nararamdaman nilang pagod, puyat, at pangamba," post pa ni Neri.

Kasal gikanselar

Gi-postpone nilang former Miss Universe Philippines Rachel Peters ug Camarines Sur Governor Migz Villafuerte ang ilang kasal  tungod sa hulga sa COVID-19. Gipahibalo kini ni Rachel pinaagi sa iyang Instagram post. Wala sab nahisgoti sa beauty queen kung unsa petsaha nila gisibog ang petsa sa maong espesyal nga okasyon.

Online fundraising

Nangayo og donasyon   pinaagi online ang Kapamilya star Bela Padilla aron  itabang ngadto sa mga street vendors sa Metro Manila nga naapektuhan sa community quarantine  . "The best solution I came up with is for us to donate. I set up an account, and whatever money we do raise, let’s split 16 ways for the 16 cities of metro Manila affected by this community quarantine,"sigon pa niini.

Ibalhin na

Gipaambit sa Kapamilya host/actress Bianca Gonzalez nga ibalhin na nila  ang ilang anak nga si Lucia ngadto sa mas dako nga eskwelahan inigkahuman sa iyang pre-school sunod tuig."Officially moving on to big school after this, and we can't help but feel a bit emotional. We are very proud of you! Thankful to the amazing teachers who we've grown to love, and her adorable classmates who have become friends! Time does fly,”suma pa niya.

Self-quarantine

Nagmagul-anon si Senator Bong Revilla human napakyas pagtungha sa 32nd birthday sa iyang anak nga si Cavite Vice Governor Jolo Revilla niadtong dominggo. Naka-self quarantine karon ang senador human nag-positibo sa COVID-19 ang usa sa  resource person sa nahitabong senate hearing dili pa lang dugay.