Na-hack ang Facebook page

CEBU, Philippines — Nangayo og tabang si Camille Prats sa iyang Instagram followers human nga na-hack ang iyang Facebook page. “My Facebook page has been HACKED. If you know anyone from Facebook who can help me report this or a tech guy who can help me recover it, that would be awesome. For the meantime please unlike the page and block it”, pahibalo pa ni Camille.

James, ma-busy pa

Dugang sa ka-busyhan ni James Reid karong tuiga mao ang kolaborasyon niya sa Fil-Am Grammy award-winning producer nga si Illmind. Si Illmind o Ramon Ibanga, Jr. mao ang usa ka New York based nga producer ug songwiriter nga nahimo nang nakatrabaho sa pipila ka mga internasyonal singers nga sila si Beyonce, Ariana Grande, Kanye West ug uban pa. Gikalipay ni James nga wala masayang ang iyang personal nga pagkigkita niini sa NY aron sa pagsabot sa ilang mga proyekto puhon.

Lahi og naa sa girlfriend

Gitug-an ni Robi Domingo nga lahi gyud siya og naa siya sa kiliran sa iyang non-showbiz girlfriend nga si Maiqui Pineda. “Hindi talaga ako sweet as a person, when it comes to my relationships, but with her, ako yung clingy”, suma pa ni Robi.

Co-director sa Wowowin

Gitug-an ni Gab Valenciano nga hingpit na gyud niya talikdan ang showbiz kaniadto apan ang nakapugong niya mao ang tanyag ni Willie Revillame nga mahimong kabahin sa Wowowin isip co-director. Matud pa ni Gab nga tulo ka tuig pa niya giampo nga mamahimo siyang direktor ug karong tuiga lang kini natuman gumikan sa tanyag ni Willie nga wala gyud niya balibari.

Super close friend ra

Gilimod sa 19 anyos nga Kapuso artist nga si Kate Valdez nga dili si Manolo Pedrosa ang nanguyab kaniya. Matud pa niya nga very close sila sa aktor ug nagkauban lang sila sa usa ka pelikula niadtong miaging tuig nga “Black Lipstick”. Nagmalaumon si Kate nga magkauban pa sila sa mga serye puhon.

Lovely, gikupkop na

Gisagup na sa Kapuso Foundation si Lovely Embuscado human nasayran nga nga anaa na kini nagpuyo sa daplin sa dalan. Dako gyud ang pasalamat sa inahan ni Lovely nga si Daisy Embuscado gumikan kay daghang tabang ang miabot sa ilaha karon.

Obligado gihapon

Gibutyag sa VIVA Artists Agency nga exclusive artist gihapon nila si Nadine Lustre hangtud sa 2029. Anaa sa gipirmahan ni Nadine nga obligado siya nga molugwa sa mga tapings, shows ug events nga giuyunan niya.

Gisaulog ang anibesaryo

Gisaulog ni Rhian Ramos ang ilang anibesaryo sa iyang boyfriend nga si Amit Borsok nga usa ka Israeli. Gawas nga  personal kini nga misaulog sa ilang anibesaryo, nagpost sab ang Kapuso aktres sa iyang Instagram account sa ilang espesyal nga adlaw nga gisaw-an.