Yassi pumiyok ng cyber bullying kay Issa, friendship kay Nadine pinagmalaki!

Bukod nga sa sinasabing bisexual ang kapatid Yassi Pressman na si Issa na dinudurog sa social media dahil sa diumano’y dahilan ng hiwalayang JaDine, sinabi rin ni Yassi na wala itong planong pumatol sa pagdadawit sa issue ng mag-dyowa.

Pinagmalaki rin niya na hindi ‘yun ang makakasira sa friendship nila ni Nadine. “Hindi po papatol ang kapatid ko sa mga sinasabi ninyo. Pero bilang Ate, hindi ko naman po yata kayang panuorin na patuloy po siyang binabato ng mga masasakit na salita dahil nananahimik siya.

“This was me and nadz last night, watching how some of us become cruel over untrue statements.

“Initially we all laughed about how crazy the things that woke us up yesterday were, and then.... they started getting out of hand, at di na yun tama..

“Ayaw na po sana namin patulan, but we decided to post something because cyber-bullying is not okay, it is never okay.

“Be careful with the words you say, and things you THINK are true on social media.

“They’re not always the truth.

“Do not be so quick to point fingers, when you do not have the proper information.

#thinkbeforeyouclick. We’re all okay. Sana po kayo din. Let’s respect everyone,” sabi ni Yassi sa picture nila ni Nadine.

Sabay inilunsad ang career nina Nadine at Yassi sa Ang Diary Ng Panget noong 2014 ni Boss Vic del Rosario na ayaw mag-react sa sinasabing hiwalayan kung totoo nga.

Pero naalala kong si Boss Vic ang unang nakaisip na gawing loveteam ang JaDine at gawan ng pelikula kahit ang daming kontra dahil mga wala na raw pag-asa ang dalawa dahil that time wala namang mga career ito kahit ang tagal na nilang nagso-showbiz.

Pero talagang pinanindigan ni Boss Vic at true enough, pumatok at sumikat naman.