Rizza ug SAKDAP sa 40th Cebu Pop

CEBU, Philippines – Mosikad na   karong gabii ang giatngan sa mga Sugbuanon nga mahiligon sa musika,  ang 40th   Cebu Popular Music Festival.

Mahitabo kini karong alas 7:30 diha sa International Eucharistic Congress (IEC) Pavillion . Naumol   ang Cebu Pop aron hingusgan og samot ang  music industry dinhi sa Sugbo ug ang pagpadayag sa mga gibati pinaagi sa pagkanta.

Ang usa sa mga nagdumala  sa production   sa maong kalihukan nga si Gloria Villarojo  nipadayag nga  hugyaw  ang 12 ka mga komposisyon  nga madungog karong gabii  .

Angayan atngan ang presentasyon karong gabii gumikan kay napuno sa mga surprisa ang i-perform sa mga interpreter matag komposisyon.

Ang Cebuana singer nga nagbase na sa laing nasud    nga si Rizza Navales   may usa sa special guest  karong gabii.

Kasamtangang nibakasyon dinhi sa Sugbo si Rizza  busa  wala kini nagduha-duha sa  pagdawat sa dihang gihangyo kini nga mo-perform sa Cebu Pop.

Matud pa ni Villarojo  nga produkto si Rizza  sa Cebu Pop hinungdan nga doul kaayo kini sa iyang kasing-kasing. Matud pa ni Villarojo nga nagpadayon  ang singing career  ni Rizza sa  laing nasud  ug usa kini sa mga ebidensya nga dili basta-basta ang  mga Sugbuanon  sa natad sa pagkanta.

Dili usab magpaulahi unya   sa pag-perform ang laing special guest,  kini mao ang grupong SAKDAP.

Suma pa sa usa sa mga sakop sa maong grupo nga si Gani Villarojo nga awiton  nila ang medley sa pipila ka mga awit sa Cebu Pop kaniadto.

Molugwa usab  sila si  Gerlyn Ville Sanchez Abaño  ug  Yeesha.

Namugna ang Cebu Pop   isip halad alang sa balaang bata nga si Señor Sto.  Niño.

Nagdugay  gyud ang maong kompetisyon, nagpakita lang kini nga pabilin nga gihangop sa katawhan ang  mga Sugbuanong awit. Sila si Sam Costanilla ug kanhi Pinoy Dream Academy Scholar nga si Apple Abarquez maoy mo-host niini. Gatosan ka entries ang nadawat sa screening committee sa maong kalihukan nga gipahigayon sa miaging tuig ug 12 lang ang  napili alang sa palaran nga komposisyon.

Ang Cebu Pop maoy  tinuig nga halad sa amahan sa unang distrito sa Probinsya sa  Sugbo    nga si Kongresista   Eduardo R. Gullas  isip pagpadayag sa iyang dakong gugma ngadto sa Balaang Bata nga si Señor Santo Niño ug agig pag-abag usab sa paglambo pa og samot  sa Sugbuanong musika.

Ang 12 ka finalists sa 40th Cebu Pop

AYAW GYOD

Composer / Lyricist :   Floramie Mamolo

Musical Arrangement: Russel Alegado

Interpreter: Domiliza Estremos

BAKHO SA KAMINGAW

Composer / Lyricist: Richter Alegado

Musical Arranger: Russel Alegado

Interpreter: Angele Lapinid

AGALON KONG ESTRIKTO

Composer / Lyricist: Hernando Maniwan

Musical Arranger: Richard Bhern Lagroma

Interpreter: Philipp Mancol

DUHA NA TA

Composer / Lyricist: Russel Alegado

Musical Arranger: Russel Alegado

Interpreter: Vanessa Parame

ABBY

Composer / Lyricist: Barry Villacarillo

Musical Arranger: Barry Villacarillo

Interpreter: Kurt Fick

GUGMA SA KASULATAN (1 Cor 13:1-13)

Composer: Jay-arr F. Librando

Arranger: Nendel Endrina

Interpreters:     Leela Jae Laburada & Jay-arr  Librando

ESTUDYANTENG TAMBAY

Composer: Mateo Barulo Jr.

Lyricist: Jerico Barberan

Musical Arranger: Euphonious Band

Interpreter: Jerico Barberan

I P T U

Composer / Lyricist: Clefford Ray Duran

Musical Arranger: Russel Alegado

Interpreter: Jun Villarta

SUGBOANONG MUSIKA

Composer / Lyricist: Frenyx Tarongoy

Musical Arranger: Frenyx Tarongoy and Joey Cabusas

Interpreter: The Basics

(Niña Claire Rivaca, Driane Paul Saberon, Chreystelle Mae Gealogo, Cyril David Tan, Ian Mark Corrales)

PAILOB LANG

Composer/ Lyricist: Fred Monternel

Musical Arranger: Russel Alegado

Interpreter: Charmine Monternel

SALAMAT CEBU

Composer: Neil Salarda

Lyricist: Rene Campomanes and

John Willace Tubalde

Musical Arranger: Neil Salarda

Interpreter: Yumae Baring

SUGID NI MARIA

Composer / Lyricist: Joseph Gara

Interpreter: Orfeshaine Quinones