Natuman na gyud

CEBU, Philippines — Gibayaw sa tumang kalipay ang Ben&Ben kay natuman na gyud  matod pa ang ilang  pangandoy nga makakanta sa usa ka teleserye theme song. Ang Ben&Ben maoy nikanta sa official theme song sa upcoming teleserye sa ABS-CBN nga "Make It With You" nga pagabidahan nilang Enrique Gil ug Liza Soberano. "Ma, may teleserye theme song na kami. Huhu,"post pa sa grupo sa ilang official page.

Gihagad og bayot

Mikumpisal ang The Clash Season 2 finalist Jeremiah Tiangco nga gihagad siya og adunahan nga bayot og libreng trip didto sa Thailand ug mag-shopping didto. Apan giasoy niini nga iyang  gibalibaran ang maong indecent proposal. “Hindi naman po ako sa natakot… pero mas naunahan po ako na nagwu-worry na baka kung ano ang mangyari. Hindi naman po natin alam, e. Pero sa ngayon, siguro hindi po,"asoy pa niini.

Pagbalik sa Super Junior

Nibalik sa nasud ang K-Pop group Super Junior pinaagi sa usa ka concert didto sa Mall of Asia Arena kagahapon, Disyembre 15. Gilangkuban ang maong grupo nilang Leeuteuk, Heechul, Yesung, Shindong, Eunhyuk, Donghae, Siwon, Ryeowook,ug Khuhyun. Pipila sa sikatn nga kanta sa maong grupo mao ang  “Sorry, Sorry,” “Lo Siento,” “SUPER Clap,” ug “Mr. Simple.”

Nag-bonding sa Germany

Nagsuroy-suroy ang FPJ’s Ang Probinsyano’ cast nga silang Coco Martin ug John Prats didto sa Frankfurt, Germany. Nahitabo kini saw ala pa  gipahigayon ang Kapamilya Fiesta World show sa maong nasud. Nibisita sila sa mga sikat nga suroyanan sa Germany lakip na niini ang Christmas village sa maong dapit.

Pakpak kang Alfred!

Nakaangkon og pagdayeg sa mga higala ug sa publiko ang aktor ug karon Quezon City 5th District Representative Alfred Vargas, kini tungod sa pagduso og  balaodnon  alang sa  cancer patients nga nag-ulohan og  Republic Act 11215 or National Integrated Cancer Control Act.Usa ang aktor sa gipasidunggan niadtong Biyernes isip Ten Outstanding Young Men (TOYM) honoree for Public Service.

Pasok sa listahan

Nalandig sa ikaduhang pwesto ang Star Cinema movie nga Hello, Love, Goodbye nilang Kathryn Bernardo ug Alden Richards sa top 10 most searched movies sa Google dinhi sa Pilipinas. Nag-una sa listahan mao ang Avengers: Endgame. Ang HLG lang ang pinoy movie nga nalakip sa maong listahan kauban sa foreign movies sama sa Captain Marvel, John Wick 3, Bird Box, Frozen 2, Aladdin, Weathing With You, Aquaman ug Alita: Battle Angel.

MNL48 sa Japan

Gikatakdang mo-perform didto sa Japan ang MNL48 sa umaabot nga labing dako nga television music show sa nahisgutang nasud, ang NHK's annual "K?haku Uta Gassen." Gikumpirmar kini niadtong Sabado sa gabii atol sa pag-anunsyo sab sa official sister group niini nga Japanese idol group nga  AKB48 nga mo-perform sab sa  bag-o nilang kanta. Mao kini ang ikatulong higayon nga naimbitar ang  Pinoy nga mo-perform sa maong show. Ulahing Pinoy nga ni-guest sa maong show mao si Gary Valenciano ug banda nga Smokey Mountain.

Nangayo og pasaylo

Gisugilon sa aktor nga si Cesar Montano nga hinay-hinay na matod pa siyang nibalik sa sabakan sa Ginoo. Usa sa iyang gibuhat mao ang pagpangayo og pasaylo ngadto sa iyang kanhi asawa nga si Sunshine Cruz.

“Hindi natin masasabi 'yun (kung pinatawad na niya ako), only the person. Kung siya ang nakakaramdam kung natanggap (na) niya, kung nakapagpatawad siya, walang makakapagsabi no'n kung 'di siya. At least nasabi mo na 'yun,"sigon pa sa aktor.