A new beginning

FASTFACTS

Name:

Marianne Mae Shanen Garciso

Nickname:

Nen, Shan

Address:

Lawaan, Talisay City,Cebu

School:

St.Scholastica's Academy - Tabunok (12th Grade)

Height: 5'5

Weight: 53 kg

Inspirational singers:

Michael Jackson, H.E.R,

Celine Dion

Favorite song:

Hard Place by H.E.R

Genre: Pop, RnB, Soul, Rock

Mao kini ang instrumento ang gibawon sa 18 anyos nga Sugbuanon nga singer nga si Marianne Mae Shanen Garciso kinsa nalakip sa Top 32 sa ikaduhang hugna sa 'The Clash' sa GMA-7.

Gitug-an ni Shanen atol sa iyang pagbisita sa buhatan sa Banat News nga wala kaayo siya'y igo nga kasinatian sa pagkanta sanglit maihap lang gyud sa tudlo ang iyang nasalmotan nga mga singing contest.

Nagsugod pagkanta si Shanen sa dihang 4 anyos pa lang siya.

Dili niya mahikalimtan nga mokanta siya sa mga kampanya sa usa ka politiko sa Mindanao kaniadto.

Matud pa niya nga dili gyud niya prayoridad ang pagkanta kaniadto gumikan kay bata pa lang siya ug angayan lang nga tutukan ang iyang pagtuon.

Sa dihang mitungtong na siya sa Grade 4, nisalmot siya sa Camella Idol. Matud pa niya nga dili gyud niya matago ang kakulba nga iyang gibati gumikan kay dili siya anad nga mokanta atubangan sa daghang tawo.

"Bata pa kaayo ko ato hahaha unya kay napugos rapud ko’g apil. After ato wa na ko ni apil ", suma pa niya.

Sa miaging  tuig lang siya nakatungtong  pagbalik og entablado ug nahitabo na kini sa usa ka mall sa Sugbo diin nisalmot siya sa  Campus Idol.

Sa dihang nasayran niya nga magpahigayon og audition dinhi sa Sugbo ang programa sa GMA-7  'The Clash'  , wala gyud siya magduhaduha sa pag-apil.

"I wanted to give it a try and knowing na I'm capable for it na especially kay 18 na ko", siya mitug-an .

Dili masukod ang iyang kalipay nga gitawagan siya ug molarga na siya sa kauluhan aron nga padayunon ang iyang kapalaran sa maong kompetisyon.

Sa iyang pag-atubang sa maong kompetisyon, mahulagway ni Shanen nga lisod gyud sa iyang parte nga dili pa kaayo siya hanas sa pagkanta apan gibuhat niya ang tanan aron dili mapalyar ang kahago niya ug sa iyang pamilya nga mapadayon ang iyang tinguha nga makasinati isip usa ka contestant sa maong prestihiyoso nga kompetisyon karong mga panahona.

"It was one heck of a ride, actually. It was an experience of a lifetime.nga nakahatag pud og kausaban sa akong kinabuhi. Lipay kay ko kay wala baya ko nag- expect nga makaabot ko og Top 32 knowing nga beginner ra ko", pulong pa niya.

Dakong garbo alang kang Shanen nga nahimong kabahin sa maong kompetisyon gumikan kay sa  liboan  nga milinya aron makasulod sa kompetisyon, usa siya sa mga bulahan nga nakatungtong sa maong entablado sulod sa GMA studio.

Human sa kompetisyon, daghang grasya ang miabot kaniya busa wala gyud siya nakabati og pagmahay.

Gani, aduna sab siya'y napupo nga mga pagtulun-an nga kanunay niya nga bawnon sa kun asa man paingon ang iyang singing career.

"Daghan do's and don'ts nga buhaton , una dapat kahibalo jud ko mo lugar sa tanang aspect sa life nga connected sa kani nga career,” dugang pa niya.

Nakat-onan usab niya gikan sa mga hurado nga sila si  Ai Ai delas Alas, Christian Bautista, ug Lani Misalucha nga kinahanglan nga kanunay gyud kalmado sa pagkanta aron aron dili mabalda sa pag-deliver sa mensahe niin.

Importante matud pa ang pagsalig sa kaugalingon sanglit usa kini sa mahimong paagi nga makab-ot ang kinasing-kasing nga paghatag og emosyon sa kanta.

Tinguha ni Shanen nga padayunon ang pagkanta gumikan kay napanglantawan niya nga layo-layo gyud siya og maabtan pinaagi sa iyang tingog. Nagmalaumon sab siya nga usa siya sa makatabang sa iyang pamilya aron mahaw-as kini sa kalisod.

"Never gyud ko mo-give up because everything is just a new beginning. And I believe nga maabot nimo ang imong mga tinguha. Maybe not now, apan maabot kini puhon,”  pagtapos pa ni Shanen.