Naanad na

CEBU, Philippines — Sa kadaghang bashers sa singer nga si  Moira Dela Torre, iyaha nalang kini  nga gitubag pinaagi  sa lyrics sa kanta. Sukad siya nahimong hurado kaniadto sa Idol Philippines, puros mga pagsaway ang iyang nadawat. "Before kapag may nakikita akong bashing, sobrang naapektuhan ako. [Pero] ngayon, nire-reply-an ko na lang ng lyrics ng kanta ko,"asoy pa sa Queen of Emotions.

Pinoy film nakadaog sa Venice

Nakalangkat  og special jury prize ang Pinoy film nga Verdict sa bag-ohay lang nga  76th Venice Film Festival. Ang "Verdict," usa ka feature debut ni Raymund Ribay Gutierrez ug gi-produce ni Brillante Mendoza, maoy nag-inusarang pelikula gikan sa Southeast Asia nga naabot sa maong prestigious film festival karong tuiga. Ipasalida kini dinhi sa nasud karong September  13 hangtod 19.

Babaye ang unang liwat

Gipahibalo sa magtiayong  Solenn Heussaff ug Nico Bolzico nga usa ka babaye ang ilang  first baby." Nobody is good enough for my girl. I might be wrong, but nobody will make me change my mind,"post pa ni Nico.

Tulo ang mituyok

Giilogan sa tulo ka mga hurado  nga sila si  Leah Salonga, Sarah Geronimo ug Bamboo ang The Voice Kids 4 contestant nga si Ramjul Trangia atol sa blind audition niini diin gikanta niya ang Bon Jovi classic nga "You Give Love a Bad Name". Si  coach Bamboo ang gipili sa batang contestant.

Padungog-dungog?

Daghan ang naintriga sa bag-ong post ni Senator Tito Sotto nga matod pa gipaigo ngadto sa komedyanteng si Vice Ganda human nihatag og komento ang naulahi kalabot sa opinyon sa nauna sa  SOGIE Bill. "When people resort to personal attacks, it means they have lost the debate! (lol),"post pa sa senador.

Gidayeg ni Maymay

Nakadayeg si Maymay Entrata sa batasan ni Kathryn Bernardo nga gihulagway niya nga matinud-anon nga pagkatawo. Makadaghan na nga higayon nga nakauban ni Maymay si Kathryn sa trabaho.  ‘Isa siya sa pinaka-totoong tao,” suma pa Maymay.

Nag-sorry sa Marinduque

Nangayo og pasaylo si  Enchong Dee sa tourism board sa Marinduque human nasayop siya og litok atol sa usa ka presscon kun diin nipadayag siya nga nakaangkon  siya og allergic reaction sa dihang naligo siya og  dagat sa maong dapit. Apan gitataw ni  Enchong nga  Oriental Mindoro ang bout niya ipasabot ug dili Marinduque.

Pang-international

Nagpares ang Kapamilya singer-actor Kyle Echarri ug Singaporean singer-songwriter Haven alang sa  bag-ong single nga nag-ulohan og ‘Imagine’ nga gipagawas sa StarPOP Philippines ug Cornerstone Music niadtong Biyernes. Mao kini ang first international collaboration sa Kadenang Ginto actor human nasulod sa kalibutan sa showbiz pinaagi sa ‘The Voice Kids’ niadtong 2015. Ang maong awit gi-compose sa Star Music artist Trisha Denise ug StarPOP head Rox Santos Duha nalang

Ginganlan na ang final two boys aron magtigi sa Ultimate Male Survivor title sa StarStruck 7's final judgment sunod semana. Kini naglangkob nila ni  Allen Ansay ug Kim de Leon. Na-eliminate ang contestant nga si Abdul Raman niadtong Sabado.