Scout ranger training nahuman ni Matteo

CEBU, Philippines – Nahuman na gyud  ni  Matteo Guidicelli ang usa ka buwan nga  training sa Scout Ranger Orientation Course sa Camp Tecson, San Miguel, Bulacan .

Nagbaton  si Matteo sa istado nga 2nd Lieutenant sa Army Reserve Command (ARESCOM) sa Philippine Army.

Wala gyud pakyasa sa  singer nga si  Sarah Geronimo ang pagtambong sa graduation rites sa iyang uyab kagahapon.

Nitambong usab ang mga ginikanan sa aktor.

Sa  report sa ABS-CBN News, nakadawat og rekognasyon  si  Matteo , letter of commendation, ug  scout ranger replica gumikan sa iyang pagka- outstanding student .

Si Matteo ang nakaangkon og taas nga  grado, nga  92.20 % .

Una na nga gipadayag ni Matteo nga ganahan gyud siya makaalagad sa nasud.

Maine pasok sa Kapamilya project

Human  ni Alden Richards, ang kanhi napud niya nga ka-love team nga si   Maine Mendoza ang gikatakdang malakip sa usa ka Kapamilya project.

Gianunsyo  kagahapon sa production outfit  nga Black Sheep nga  ipares   si  Maine Mendoza kang  Carlo Aquino sa upcoming movie nga nag-ulohan og  “Isa Pa With Feelings” ug ubos kini sa direksyon ni  Prime Cruz.

Gihimo na ang story conference  dili pa lang dugay ug mao kini ang unang higayon nga nagkaistoryahanay ang duha.

Wala pa matino kun kanus-a sugdan ang maong movie project.  

Beauty queen nataypan ni Joseph

Malipayong gipahibalo   sa Kapamilya actor  nga si Joseph Marco   nga nakig-date  gyud siya kang  Miss Earth PH 2018 Celeste Cortessi .

Suma pa niya nga naa na sila karon  sa   “getting to know each other” busa nidaghan ang nagtoo nga  uyab sila.

“We’re dating and we’re not rushing, we’re just getting to know. You know, madalas ko siyang maka-hang out,” saysay pa ni Joseph.

Song Joong Ki makig-divorce kang Song Hye Kyo

Nagbuwag na ang sikat nga  magtiayong   South Korean stars nga sila si   Song Joong Ki, 33, ug Song Hye Kyo, 37.

Pinaagi sa abogado ni  Joong Ki nga si Park Jae Hyun, gianunsyo  ang  pagpa-file sa  aktor og divorce sa Seoul Family Court niadtong June 26, Miyerkules.

Kahinumdoman nga gikasal  sila si Song Joong Ki ug Song Hye Kyo niadtong October 31, 2017.

“”First, I’d like to apologize for delivering this unfortunate news to the many fans who love and care for me.I have begun the process of filing for divorce from Song Hye Kyo.

Rather than denouncing one another and arguing over who is to blame, I hope that the divorce process can be wrapped up amicably,” tipik sa statement  ni Joong Ki.

Nanghinaot ang aktor nga masabtan ra sa iyang fans ang nakab-ot niya nga desisyon.

“I ask for your understanding in regards to the fact that it is difficult to discuss the details of my personal life, and I will recover from my current wounds and do my utmost as an actor to repay you through great productions in the future.Thank you,” dugang pa niya.

Kahinumdoman nga pipila ka buwan human sa ilang kasal, nitumaw na ang taho nga dili maayo ang ilang panag-uban. Nahulma ang  ilang  relasyon sa dihang nagkauban sila sa  hit Korean drama series nga Descendants of the Sun niadtong  2016.

Samtang sa kampo ni Song Hye Kyo, nitataw kini nga  “differences in personality”  maoy rason sa ilang breakup apan dili na kini mohatag og lapad nga detalye.

“The reason was because of their differences in personality. The two were unable to overcome their differences, which led to this decision.We politely ask for your understanding as we cannot confirm more details, because it is both of the actors’ private lives,” tipik sa statement sa kampo  sa aktres.

Nanghinaot ang iyang kampo nga dili na unta mohatag og espekulasyon ang publiko kalabot sa ilang breakup.

“Also, we ask that you please refrain from leaving provocative or speculative comments on the matter. We are sorry to cause worry. We will try our best to greet you all with a better side in the future,” dugang pa niini. Niadtong  February 2019, nabatyagan na sa kadaghanan  nga wala na suota  ni Hye Kyo ang iyang wedding ring.  

Suzi  wala’y apil

Nag-ulohan og Mars Pa More  ang bag-ong morning show sa GMA-7. Sila si Camille Prats ug  Iya Villania ang  main hosts niini.

Ang maong show nagikan sa GMA News TV nga naglawig sa ere sulod sa pito ka tuig ug nagtangag sa titulo nga “Mars”

Wala na’y labot   si  Suzi Entrata-Abrera sa bag-ong Mars  ug nagduda ang iyang fans nga gilikay lang si Suzi  nga ma-over expose sa  buntag nga timeslot sanglit nalakip naman kini daan sa laing morning show nga Unang Hirit.  

Kris modagan karong 2022?

Kun maayo ang dagan sa iyang panglawas,  giingong dunay posibilidad nga mosalmot si Kris Aquino sa piniliay karong 2022.

Kasamtangang nasakit si Kris ug pipila  na ka  higayon nga nilarga siya sa laing nasud aron magpaalim.

Makadaghan na nga higayon nga giagda si  Kris nga mosulod sa politika apan wala siya manumbaling niini. Duna siya’y fans ang nagtoo nga posibleng sudlan sa ilang idolo ang maong butang karong 2022.