Dakong kausaban ni Lauren
CEBU, Philippines – Dakong kausaban ang ipatuman ni Lauren Young sa iyang kinabuhi karong tuiga.
Nakahukom na si Lauren nga mopaubos sa iyang profile hinungdan nga gibaligya na niya ang iyang sakyanan ug gituldokan na niya ang pagkamahiligon niya sa shopping.
“I sold my car, moved back in with family, stopped shopping and spending excessively on going out and material things I didn’t need. What I’ve learned is that I may not travel as much as most and have expensive things at arms length but at this moment I have never felt richer,” saysay pa niya.
Matud pa ni Lauren nga gaan kaayo sa iyang pamati ang nakab-ot niya nga hukom.
“My attitude has changed, my goals are slowly getting reached and my dreams are even bigger: to be content with what I have and make do with the things already available to me,” dugang pa niya.
Fil-Am star pasok sa “John Wick 3”
Usa ka Filipino-American martial artist ang nalakip sa ikatulong edisyon sa Hollywood film nga “John Wick 3’ nga gibidahan ni Keanu Reeves .
Siya si Mark Dacascos nga modala isip kontrabida sa maong pelikula.
“I’m very proud to be part-Filipino. I’ve done five movies in the Philippines and it is such a beautiful country and so many talented people. I hope that the Filipinos bring that and show that to the world,” saysay pa niya ngadto sa ABS-CBN News. Gawas kang Mark, nalakip pud sa maong pelikula ang sikat nga aktres nga si Halle Berry.
GOT7 mobalik sa Pilipinas
Subling mahimamat karong tuiga sa Pinoy K-Pop fans ang idolo nila nga Korean all-boy group nga GOT7 alang sa laing hugna sa ilang konsyerto nga tipik sa ilang “Keep Spinning 2019 World Tour”.
Gawas sa Pilipinas, mag-concert usab sila sa Canada, California, Australia, Hong Kong, UK, Germany, ug France.
Ang maong grupo gilangkoban nila ni JB, Mark, Jackson, Jinyoung, Youngjae, Bambam, ug Yugyeom.
Gipasikat sa GOT 7 ang mga awit nga ‘A’, ‘Just Right’, ‘If You Do’, ug ‘Hard Carry’.
Katapusan sila nga nag-concert sa Pilipinas nahitabo tulo ka tuig na ang nilabay.
- Latest
