Nakugang si Sarah Geronimo

CEBU, Philippines – Tataw gyud mikatap nga video karon sa social media nga nakugang gyud si  Sarah Geronimo sa dihang nasayran niya kun pila kabuok ang gitinguha nga anak sa iyang uyab nga si Matteo Guidecelli. Nisiga gyud ang mga mata sa Popstar sa dihang mitubag si Matteo og 16 ka mga anak ang iyang gusto puhon.

Sakit ni Zia

Giangkon ni  Zia Quizon nga aduna siya’y mental disorder nga gitawag og Body Dysmorphic Disorder. Usa kini ka sakit nga moapektar sa iyang overall appearance. “I suffer from Body Dysmorphic Disorder— amongst other diagnoses. ADAA defines it as “a body-image disorder characterized by persistent and intrusive preoccupations with an imagined or slight defect in one’s appearance.” Pasabot pa ni Zia.

Napaakan sa iro

Nangayo og pasaylo ang aktres nga si Antoinette Taus gumikan kay wala siya makatambong sa iyang mga appointment karong semanahuna gumikan kay padayon pa siya nga nagpaayo sa iyang bukton nga gitahi, human nga napaakan sa usa ka chow chow breed nga iro. Pahimangno pa ni Antoinette nga kinahanglan nga magbantay kanunay sa mga chow chow nga mga iro gumikan kay mao kini ang numero uno nga klase sa iro nga natala sa daghang kaso sa pagpamaak.

Disiplina sa anak

Gitug-an sa magtiayong Chynna Ortaleza ug Kean Cipriano nga naa sa punto nga gikinahanglan na gyud nila nga disiplinahon ang ilang anak nga si Stellar. Tres anyos na ang ilang anak. Matud pa ni Chynna nga nakatilaw na sab gyud og bunal ang ilang anak. “Ang ginagawa namin kay Stellar ngayon is nagta-time out siya. Fine-face the wall namin siya. May discipline rod kami sa bahay”, suma pa ni Chynna.

Namalhin sa china

Nagpaduol na karon si Jackie Forster sa iyang mga anak nga sila si Kobe ug Andre Paras gumikan kay gikan sa U.K, mibalhin na ang iyang pamilya og pahiluna sa Guangzhou, China. Tinubdan sa pagpamalhin sa iyang pamilya tungod sa trabaho sa iyang bana. Tsika pa ni Jackie nga dali na lamang iyang pagbisita puhon sa iyang duha ka anak kun mahuman na siya og han-ay ang pag-eskwela sa iyang tulo ka gagmay nga mga anak.

Nangayo og manghod

Nangayo na og manghud ang celebrity kid nga si Scarlet Snow sa iyang ginikanan nga sila si Dra. Vicky Belo ug Hayden Koh. Matud pa ni Dra. Belo nga mao kini ang giampo kanunay ni Scarlet sa dili pa sila mangaon.

Tita na

Certified Tita  na gyud ang Kapamilya star nga si Liza Soberano gumikan kay nanganak na si Chloe kinsa hinigugma sa iyang manghud nga si Justin. Nahimugso na kagahapon sa sayo nga buntag ang iyang pag-umangkon. Matud pa ni Liza nga bata pa ang iyang igsuon nga mahimong usa ka amahan mao nga nagkinahanglan pa gyud kini og pagiya gikan sab sa ilang amahan. Andam sab si Liza nga motabang sa sitwasyon sa iyang igsuon.

Adbokasiya ni Nadine

Giduso gyud ni Nadine Lustre ang iyang bag-ong adbokasiya nga mao ang pag-atiman sa atong kadagatan ug pagminus sa polusyon sa plastic nga maoy  nakadaot sa kadagatan. Miapil siya sa international environmental group nga  Greenpeace. “I think my biggest contribution is awareness, I know I have a lot of followers and a lot of people check my Instagram, my social media, so I can help spread awareness.I was upset kasi nasa bangka kami, ang dami kong nakikitang trash na nagfo-float lang sa water so I was so upset kasi di ko siya kayang pulutin,” suma pa ni Nadine.

Nanganak na

Himsog nga gihimugso sa kanhi  Pinoy Big Brother Season 1 housemate nga si Say Alonzo ang iyang anak nga lalaki niadtong Marso 5 sa buntag. Mao kini ang ilang ikaduhang anak sa iyang bana nga si Ryan Tordesillas. Gipanganlan ni Say ang iyang anak og Austin.

Nagbalik?

Mitumaw karon ang hungihong nga matud pa nga nagbalik sila si Girltrend member nga si Mikee Agustin ug  Yexel Sebastian. Wala pa mikumpirma ang duha apan nakita sa netizens ang gipadangat nga mensahe si Yexel alang kang Mikee nga matud pa nga kab-uton nila ang ilang mga damgo bisan og magkinaunsa man. Mi-post sab og hulagway si Yexel sa iyang account nga kauban si Mikee.