Gibawi ang pulong

CEBU, Philippines — Gihulagway ni Maja Salvador nga lahi gyud nga kalipay ang iyang nabati karon sa ilang panagbalik  sa iyang ex-boyfriend nga si Rambo Nuñez. Gibawi na sab niya ang iyang gibuhian nga pulong kaniadto nga dili na makigbalik sa iyang mga nauyab. “Minsan you break your own rules, and I think it’s worth it. Sabi ko nga, ang gaan, sobrang kabaligtaran ng dati”, suma pa sa aktres.

Di pa igo

Tsika pa sa TV host nga si Luis Manzano nga usa sa rason nganong dili pa sila magminyo ni Jessy Mendiola mao nga dili pa igo ang iyang pundo. Bisan og daghan siya og gi-endorso ug aduna sab siya’y sweldo isip usa ka host, matud pa niya nga dili pa gyud kini paigo. Dugang pa ni Luis nga aduna siya’y negosyo karon. Usa kini ka scent company nga gitawag og ‘Lucky & Lulu’ nga anaa nahimutang sa piniling  mga mall sa kauluhan.

No one else

Gipamatud-an ni Edward Barber nga mahimo sab gyud siya nga mokanta ug makapagawas og kanta sama sa iyang partner nga si Maymay Entrata. Gani, gisulod na sab niyaang music industry kun diin mipagawas na sab siya sa iyang single nga nag-ulohan og ‘No One Else’. Ang maong kanta giproduce ubos sa Star Music.

Opinyon ni cat

Walay isyu kang Miss Universe 2018 Catriona Gray kun dunay  transwoman nga kandidata sa Binibining Pilipinas karong tuiga. “Of course for Binibini it is the sole discretion of Madam [Stella Araneta], but for my point of view I see nothing wrong with it because again that’s what we stand for. We are moving to a more inclusive and more respectful competition in the world of pageantry, so why not open it up in that way? Mas masaya din feeling ko”, saysay pa ni Cat.

Alter-ego ni Awra

Mapasigarbuhon gyud nga mirampa ang child star nga si Awra Briguela nga nakasul-on og gown atol sa ilang Junior-Senior Prom Night. Sa Instagram post ni Awra, malipayon niya nga gipakita sa iyang followers nga babaye gyud siya sa maong gabii. Kapsyon pa niya sa iyang hulagway mao ang “Meet my alter-ego, Aurora”.

Update ni Dayanara

Malipayon nga gipahibalo ni Dayanara Torres sa iyang social media account nga dili mokatap sa laing bahin sa iyang lawas ang iyang cancer. Padayon karon sa pagpaayo ang kanhi beauty queen ug nanghinaot siya nga iampo siya aron nga maayo siya sa iyang sakit.

Mas pabor sa pagka-artista

Walay plano si Maymay Entrata nga sudlon ang kalibutan sa pageantry. Matud pa niya nga mao kini ang gipangandoy sa iyang anhing apuhan nga kanunay moabiba kaniya. Mapasalamaton siya nga daghan ang mituo kaniya nga aduna siya’y puruhan nga mahimong usa ka beauty queen apan mas hatagan niya og prayoridad karon ang iyang karera isip artista.

Youtube silver play button award

Wala magtuo si Kim Chui nga pasindunggan siya sa Youtube. Matud pa ni Kim nga emosyonal gyud siya sa dihang gipahibalo ngadto kaniya nga usa siya sa makadawat sa ‘Youtube Silver Play Button award human nga nakaangon og 100, 000 ka mga subscribers.

Threatened abortion

Gibutyag ni Jennica Garcia nga taud-taud siya nakahibalo nga nagsabak siya sa iyang unang anak nga si Mori. Matud pa niya nga nakasinati siya og threatened abortion gumikan kay kanunay siya nga moinum og ginadiling ilimnon og manigarilyo sab siya kun diin dili kini husto nga buhaton sa magsabak. Matud pa niya nga kanunau siya nga maghilak sa dihang nasayran niya nga walay heartbeat ang iyang anak. Mao nga nipili gyud siya og eksperto nga doktor aron mabantayan ang iyang pagsabak kaniadto.