Makakilig nga Mall Show
Domingo na BisChika na! Ano na? Kumusta na? Panukad na kay ania na ang inyong Mother Butanding para sa mga BisChika nga wala dire wala didto naa ra gyud sa Banat Hugyaw!!! Pagkadali sa adlaw bugnaw na ang panahon makaingon gyud ka nga Pasko na! Merry Christmas everyJuan!
Siguro I am a hopeless romantic . Niaging Kapuso Mall Show featuring Pamilya Roces tungod kay duha man ka mall ang among show didto ko gi- assign sa Gaisano Capital South nga ang cast nga naa kay silang Sophie Albert, Rocco Nacino ug Carla Abellana ug sa Gaisano Capital South kay naa didto si Kumareng Cecille Quibod – Castro ug ang mga Kapuso stars nga naa didto kay silang Jasmine Curtis-Smith, Gabbi Garcia, Shaira Diaz, Andre Paras ug Manolo Pedrosa.
Ang nakaHugyaw kay sa mall nga didto ko na assign niduol nako si sir Christian Labus one of the admin staff sa mall, nananghid kun pwede ba ang iyang graphic artist mo-propose sa iyang girlfriend during sa among game time. Tuod man, nangayo kami og approval sa among station manager nga si Ms. Ann Marie Tan sa maong plano ug pasok gyud sa banga. Una kining higayon nga mahitabo nga adunay mag-propose. Excited ko ug ang mga staff. First game pa lang nga Kargaha Ko challenge nangita kunuhay ko og mga players, nakit-an nako si Regner G. Ronie nga naa sa audience, gipangutana nako siya kun naa ba siya’y kuyog nga mahimo niyang pares. Pak na pak ang iyang girlfriend for 10 years kay naa sa audience nag tan-aw. Gitawag nako, ug gisugdan ang game. Pag-abot sa tunga-tunga na kay May I ask the three girls nga pares nila motalikod unya piyongon ang mata, kun akong tawgon ang ngalan mao ni ang moatubang sa iyang pares. Halos mabungol ko sa singgit sa mga kapuso kay sa dihang nitalikod na ang players best in luhod na si Regner with matching bouquet of flowers ug ang singsing! Waaaaaaaa! Nagpugong ko sa akong luha. Gitawag nako si Annabelle Castillo ug pag-atubang niya na-shock ang babaye oi! Nihilak kini ug ang inyong Mother Butanding wala nagpaklaro nga ni kalih (hilak ) pud! Hahahahhahahha! Nangutana si Ronnie sa magic question nga Will you Marry Me? Ug ang tubag ni Annabelle kay a big YES! Ug nisamot ang singgit sa mga kapuso! Pagkasuwerte ni Annabelle nga adunay usa ka nilalang sama ni Ronnie nga higugmaon siya sa tibuok niyang kinabuhi ug andam kini pakaslan, magkuyog sila sa tibuok nilang kinabuhi! Unya kita ani? Nga-nga? Hahhahahaha! Kanus-a pa maabot?
Mas nisamot ang kahugyaw dihang tagsa tagsa ni perform ang mga Kapuso stars. Una nilugwa si Sophie Albert dayon si Rocco Nacino ug si Carla Abellana. Pagkahuman, groupie dayun kauban ang mga Kapusong Cebuano! Usa ka adlaw nga doble ka espesyal! Isip host sa maong Kapuso Mall Show nindot kaayo ang pamati nga nahimo kang kabahin sa usa ka espesyal nga panghitabo.
Good news sa mga fans sa The Clash kay ang labing unang champion adunay homecoming karung November 16, didto mismo sa Minglanilla. Ang mahitabo adunay motorcade unya iyang bisitahon ang duha ka eskwelahan diin siya nitungha: Tungkop Elementary School ug UV Minglanilla Campus.
Pagkahuman molugwa usab siya sa ilang barangay, ang Barangay Tungkil. Pagkagabii, lugwa ang iyang beauty sa Marco Polo Plaza Hotel para sa Christmas Tree Hope of Lighting.
- Latest
