Astig nga Anne Curtis ang masaksihan

CEBU, Philippines — Dekalidad nga Pinoy action movie  diin pangulbaan ka sa matag esena.

Mao kini ang kasagaran nga reaksyon sa mga nakakita sa grand premiere  sa pelikula ni Anne Curtis sa Viva Films ug Reality Entertainment  nga Buy Bust.

Giisip  kini  ni Anne nga labing lisod nga proyekto nga iyang nasuwayan  sukad siya nisulod sa showbiz.

Nitikang si  Anne  dinhi sa Sugbo dili pa lang dugay uban sa iyang co-stars nga sila  si Brandon Vera, ug  Arjo Atayde  alang sa mall show ug red carpet premiere sa maong pelikula diha sa Robinsons Galleria Cebu.

Suma pa ni Anne nga dili basta-basta ang training nga iyang naagian ug todo gyud ang iyang pagpangandam niini.

Nasayran nga niabot og duha ka tuig ang pagama sa maong pelikula.  Midala siya isip usa sa mga sakop sa PDEA nga nigukod sa mga tigpayuhot sa ginadiling drugas.

“The training was very gruesome, it was very hard. Kailangan kang tumakbo ng five kilometers with 20 pounds of sand in my backpack while holding a gun and singing with them ‘yung chant nila,” saysay pa ni Anne atol sa presscon  nga gidumala sa Josie S. Pereyra Ads and  Promotions diha sa Cebu Parklane International Hotel. 

Suma pa sa aktres nga 90% action ug  10% drama ang mugna sa maong pelikula.

“Sobrang pinaghirapan namin yung pelikula.  It was really inspiring. It set the mood for me to just really experience what they go through. Parang karga ko na ‘yun when we started filming,” suma pa niya.

Dili usab malikayan nga makabaton siya og mga pangos atol sa shooting niini kung diin wala matuyo nga nabun-og siya sa stuntman.

 “Sa boung buhay ko,  hindi pa ako nasuntok. Kalma lang ako, alam mo naman sa set, mga lalaki yung kasama ko, so dapat, hindi tayo pa-girly girly,” dugang pa ni Anne.

Sa habig usab ni Arjo, nipadayag kini nga dili angayan sipyaton ang maong pelikula sanglit nagpakita kini sa common nga panghitabo sa nasud.

Matawag nga bug-at kaayo ang iyang role sa maong pelikula diin makita gyud unsa ka salbahis ang iyang karakter.

“That is for you guys to find out. Honestly, it is a surprise. I think some photos came out. But about the character, I guess it is better for you guys to watch it,” matud pa ni Arjo.

Samtang ang laing bitoon sa pelikula nga si Brandon nipadayag nga dako gyud ang adjustment nga iyang gibuhat alang sa maong sakripisyo ug gisakripisyo usab niya ang uban niya nga fight.

Usa ka  mixed martial arts (MMA) fighter  si Brandon busa tulin ra kaayo  kaniya ang mga aksyon nga esena.

Nasayran nga gawas kang Anne, nakahilak pud si Brandon atol sa world premiere niini didto sa New York.

 “Hindi ko akalain magagawa ko yun (movie). To watch two years of your life being chopped up, cut up, edit, every fighting in the scene, everything happened … it was super emotional,” matud pa niya.

Usa sa nasakripisyo  kaniadto  mao ang shooting sa laing pelikula ni Anne nga  “Sid & Aya: Not a Love Story” gumikan kay dili  gyud madala niya.

“Nagpasalamat naman ako, dahil nag-click din ang Sid and Aya. Kasi sa  edad kong ito,  dapat mamili ako ng scripts.

“So after ‘Bakit Lahat Ng Gwapo May Boyfriend?,’ hindi ko na nagugustuhan ‘yung mga scripts that were falling on my lap. I think it was two years since gumawa ako ulit ng pelikula,” matud pa niya

Nahimamat niya ang kadagkoan sa VIVA aron mahisgotan ang iyang mga plano sa iyang karera.

Dinhi nisulbong ang hugyaw nga proyekto, gidawat niya ang BuyBust,” “Sid and Aya: Not A Love Story,” ug “Aurora,” nga entry sa  Metro Manila Film Festival  karong tuiga.

Matud pa ni Anne nga nahunahunaan gyud ni Direk Erik Matti  ug sa mga kadagkoan sa Viva nga momugna  og action film nga pagabidahan og babaye.

“Tumawag sa akin  si Direk Erik .  Usually it is a formal meeting and everything … but you know, it was between me and Direk Erik. Super casual over the phone and when he pitched to me it was an instant yes. Because I feel it was a role I have never done and will challenge me,” saysay pa ni Anne.

Lisod gyud kaayo ang mga esena niini sanglit buhaton kini sa gabii.

Gani dunay  eksena , nga nag-agi og 57 takes ug angayan kini atngan sa moviegoers.

 “I think it was six days rehearsing and we shot it for three days and it took 57 takes to perfect the shoot. Watch out for that scene,” dugang pa ni Anne.

Init kaayo karon ang isyu sa nasud ang kampanya batok sa corruption ug drugs, apan gitataw ni Anne nga natayming lang gyud ang maong pelikula .

 “Nagkataon lang, the script happened before even the war on drugs, “ hirit pa ni Anne.

Makita pa nga neutral gyud ang pagpakita sa proyekto sa imahe sa kapulisan.

 “When you get to watch this film kasi you’ll see it is very neutral—there are good cops, there are bad cops. Just like any action film,” matud pa sa aktres.

Sugod karong adlawa, ipasalida na sa mga sinehan ang Buy Bust, ug nalakip usab niini sila si  Joross Gamboa, Victor Neri,  Mara Lopez, Nonie Buencamino, Tarek El Tayech ug Lao Rodriguez, Levi Ignacio, Alex Calleja, AJ Muhlach, ug Sheenly Gener.