Ejay, Stephany modala sa papel nilang Lapu-Lapu ug Bulakna
CEBU, Philippines – Pulos mga kanta sa Sinulog ang madunggan pagkakaron sa bisan asang tindahan dinhi sa Sugbo. Senyales kini nga nagkaduol na gayud ang selebrasyon sa “mother of all festivals.” Nagsugod na usab kahuot ang kadalanan tungod sa kadaghan sa mga tawo nga miduaw sa Balaang Senyor Santo Niño.
Gilauman ang mas bonggang parade of floats nga masaksihan karong tuiga nga siguradong mohugyaw sa liboan ka mga manan-away. Dili magpauwahi ang Psalmstre Enterprises kinsa tinuig nang kabahin sa parada. Karong tuiga, galleon ang tema sa ilang karosa nga magsaysay sa mga panghitabo niadtong 1521, dihang miabot dinhi sa Sugbo ang mga Kastila nga gipanguluhan ni Ferdinand Magellan. Dalhon sa Psalmstre sila si Kapamilya hunk Ejay Falcon isip Datu Lapu-Lapu ug si Miss Earth-Air 2012 Stephany Stefanowitz isip Rayna Bulakna.
Dihang gipangutana kun kinsa ang modala sa papel ni Magellan, mapahiyumon nga mitubag si Psalmstre chief executive officer Jim Acosa, “Kinahanglan nga Spanish-looking siya kay Kastila baya si Magellan. Ipahibalo lang unya namo kung kinsa ang modala isip Magellan kay pagkakaron amo pang giplansa ang iyang pagbiyahe ngari sa Sugbo, lakip na ang iyang iskedyul.”
Dili kini unang higayon nga misalmot silang Ejay ug Stephany sa Sinulog, apan unang higayon nga magkauban silang duha nga mosakay sa float. Malipayon kaayo ang mga endorser sa New Placenta for Men and Women tungod ning maong una nilang proyekto. Excited sila, matud pa, nga mohatag og pahiyom sa ilang mga Sugboanong magdadayeg.
Dili mag-porn star!
Gitataw ni Miss Colombia Ariadna Gutierrez nga wala siya’y plano nga mamahimong porn star.
Kini human gitanyagan siya sa Vivid Entertainment Inc. og $1million aron muhimo og pornographic movies human sa kontrobersyal nga announcement sa Miss Universe 2015 pageant.
Sa interview sa Colombian magazine TV y Novelas para sa February 2016 issue niini, nasayran nga gibalibaran ni Gutierrez ang maong tanyag gumikan kay niya pa dili siya muhimo og porn.
Bukas hinuon siya nga mu-pose nga hubo basta “not vulgar.”
Kahinumduman nga nasayup ang host nga si Steve Harvey pagtawag sa ngalan ni Gutierrez isip Miss Universe winner, inay ang pambato sa Pilipinas nga Pia Wurtzbach ang matuod nga nakadaog.
Hinuon, gikorehian ra sab ni Harvey ang iyang kaugalingon.
Nathaniel ang nag-una!
Mao ni ang Top 10 most watched finale episode sa mga salida sa telebisyon sa tibuok Pilipinas sa nilabay nga tuig suma pa sa datos sa Kantar Media ug gimantala sa www.pep.ph:
No. 10. Beautiful Strangers (GMA)
Finale episode: November 27
Kantar finale rating: 17.4%
No. 9. Pari ‘Koy (GMA)
Finale episode: August 21
Kantar finale rating: 17.8%
No. 8. Once Upon A Kiss (GMA)
Finale episode: May 1
Kantar finale rating: 18.3%
No. 7. Bagito (ABS-CBN)
Finale episode: March 13
Kantar finale rating: 20.7%
No. 6. Inday Bote (ABS-CBN)
Finale episode: May 29
Kantar finale rating: 23.1%
No. 5. Two Wives (ABS-CBN)
Finale episode: March 13
Kantar finale rating: 25.8%
No. 4. Bridges of Love (ABS-CBN)
Finale episode: August 7
Kantar finale rating: 26.9%
No. 3. Dream Dad (ABS-CBN)
Finale episode: April 17
Kantar finale rating: 34.6%
No. 2. Forevermore (ABS-CBN)
Finale episode: May 22
Kantar finale rating: 39.3%
No. 1. Nathaniel (ABS-CBN)
Finale episode: September 25
Kantar finale rating: 42%
- Latest
