Ikapasigarbo gyud!‘Bituing Walang Ningning: The Musical’

MANILA, Philippines –  Dili na gyud mabangbang ang kasikat sa Sugbuanon nga singer nga si Monica Cuenco.

Napuno sa hudyaka ang grand presentation alang sa buwan sa Disyembre sa ‘Bituing Walang Ningning: The Musical’ sa Resorts Word Manila niadtong Lunes sa gabii.

Si Monica maoy nagdala isip Dorina ug  bisan pa man nga wala siya’y background sa pag-arte kaniadto, nahatagan gyud niya og hustisya ang iyang karakter.

Dili usab basta-basta ang stage design gumikan kay napuno kini sa LED screen busa hugyaw ang background sa matag eksena niini.

Live usab ang ilang background music nga mugna sa Manila Philharmonic Orchestra nga ubos ni Maestro Rodel Colmenar inabagan sa stage director nga si Freddie Santos.

Aduna’y mga tawo ang wala makapugong sa ilang emosyon gumikan sa pipila ka mga eksena ug gipakita gyud ni Monica ang kahanas niya sa bug-at nga eksena.

Dili gyud malimtan ni Monica ang maong musical play gumikan kay mao kini ang nahimong instrumento nga nakadawat siya og pasidungog sa bag-ohay lang nga 28thAliw Awards.

Si Monica maoy napili nga Best New Female Artist busa nisamot ang iyang gana sa iyang pag-arte sa entablado.

Gawas sa maong award, ang  ‘Bituing Walang Ningning: The Musical’   mao pu’y nakaangkon  sa  Best Musical Production, Best Actor in a Musical alang kang Mark Bautista, Best Actress in a Musical alang kang  Cris Villonco, Best Actor in a Featured Role alang kang  Ronnie Liang ug Best Actress in a Featured Role alang  kang Menchu Lauchengco-Yul.

Una na nga gibutyag ni Monica kaniadto nga dili gyud mo-surrender sa bisan unsa nga sitwasyon aron makab-ot ang pangandoy.

Suma pa niya nga maka-relate gyud siya sa  istorya sa maong musical play .Aduna’y mga bisaya nga linya sa pipila ka eksena sa ‘Bituing Walang Ningning.

Nikusog og samot ang pakpak sa mga tawo gumikan sa hugyaw nga version ni Monica sa pag-awit og Pangarap Na Bituin.

Mapasalamaton ang Resorts World Manila (RWM), Full House Theater Company (FHTC) ug VIVA Communications Inc. sa kalampusan nga naangkon sa nahisgutang musical play.

“This is a proud moment for everyone involved in the production of this truly wonderful musical. Receiving these awards is a validation of all the hard work the cast, crew, and management have put in to bring this classic story back to life for Filipinos to relive or discover for the first time. What’s more, it brings us a step closer to realizing our vision for the Philippines to be globally acclaimed for its excellence in the performing arts,” suma pa ni Alou Almaden, ang  Chief Operations Manager sa  FHTC.

Nakatampo pud sa ka-hugyaw sa Bituing Walang Ningning ang ubang bituon niini nga si Jon Santos, Jay Roa, John Nite, Michael Stuart-Williams, Antoinette Taus, ug Epi Quizon.

‘Ang Bituing Walang Ningning: The Musical’ nagbase kini sa blockbuster movie niadtong 1985 ug  gihimoan og  television series niadtong 2006.

Ang Resorts World Manila mihatag og dakong suporta sa produkto sa mga Pinoy sama sa musika  nga pang-world class.

Sharon musuportra kun magbalik si KC ug Piolo

Dili mubabag si Megastar Sharon Cuneta kun ugaling magka relasyon pag-usab sila si Piolo Pascual ug KC Concepcion, karon nga nagkahigala na gyud ang duha, human usab sa ilang panag-abot sa stage sa Christmas special sa ABS-CBN didto sa Araneta Coliseum.

“Okay lang sa akin. Kahit sino, basta masaya ang anak ko because, you know, she’s old enough,”  nagkanayon si Sharon, suma pa sa balita sa ABS-CBN News Online.

Matud ni Sharon nga dili man sila kanunay nga magkita karon ni KC apan suportado niya ang iyang anak sa mamahimong hukom niini.

“Kahit hindi kami lagi magkasundo o hindi kami nagkikita, alam naman niya na mahal ko siya at alam kong mahal niya ako.

“So, whatever she decides, I will support 100 percent.”

Kahinumduman nga dihang nagbuwag sila si KC ug Piolo tulo ka tuig na ang nilabay, nabugto usab ang panaghigalaay sa actor ug ni Sharon.

Apan nahibalik ang ilang panaghigalaay dihang nag-abot silang duha sa birthday party ni ABS-CBN President Charo Santos-Concio niadtong October 20.

“Marami kasing hindi alam ang tao sa, kumbaga, samahan namin before everything na nagkagulo.

“But I’m very happy God talaga works in mysterious ways,” ni Sharon pa.

Kahinumduman nga unang nagkatingganay sila si Piolo ug KC didto sa London niadtong September sa show sa ASAP 20 didto.