Pacman ug Chavit gibalibaran sa GMA-7

CEBU, Philippines - Gibalibaran sa  GMA Network, Inc. ang tanyag nila ni  Sarangani Representative Manny Pacquiao ug kanhi Ilocos Sur Governor Luis “Chavit” Singson nga paliton ang pipila ka  shares sa network.

Kini maoy gibutyag  sa  GMA Chairman ug  CEO nga si Atty. Felipe L. Gozon niadtong Miyerkules sa gabii.

Gibutyag usab niini nga  daghan gihapon ang interesado nga mopalit sa GMA-7,  mga bag-ong players ug mga kompanya nga interesado sukad pa kaniadto nga makapalit og shares sa maong istasyon ug kini sama ni Ramon Ang sa San Miguel Corporation.

Kahinumduman nga niadtong Oktubre karong tuiga, nahisgutan ni  Singson nga nagplano sila ni Manny nga mopalit og shares sa  GMA.