Sen. Grace mas maraming supporters kaysa haters sa showbiz

Oh eh ‘di natuloy din ang pagtakbo ni Sen. Grace Poe-Llamanzares sa pagka-pangulo ng bansa sa 2016. Naku, magiging abala ang mga taga-industriya ng pelikula na bagaman at hindi lahat ay gusto siya, mas nakakarami naman na gustong subukan ang pamumuno niya.

Jiro hindi dapat umasa lang kay AiAi

Dapat lang na tulungan din ni Jiro Manio ang kanyang sarili dahil baka dumating ang panahon na hindi na siya matutukan ni AiAi delas Alas. Ang dami kasing ginagawa ng komedyana para sa GMA, sa totoo lang. At hindi lang naman si Jiro ang inaasikaso nito. May tatlo pa siyang anak na kanyang inaalala.

Ewan ko lang kung ano pang tulong ang kayang ibigay ng mga kamag-anak ni Jiro sa kanya. Baka may mga sariling pinagkakaabalahan din ang mga ito.

Kaysa maglustay ng pera sa mga kaibigan Kris dapat unahin ang kalusugan

Mayaman na raw talaga si Kris Aquino at Hermes bag ang ipinanreregalo nito sa friends niya. Lahat ba ng mga nakasama niya sa Etiquette for Mistresses ay mayroon nito? Balitang pati si Claudine Barretto ay binigyan din niya ng Hermes na regalo.

With her money, walang karapatan si Kris na maging sickly. Imbes na magregalo sa iba, dapat gamitin niya ang pera niya sa pagpapagaling at pagpapalusog niya.