Roxanne todo pa-sexy

CEBU, Philippines – Ang kanhi Pinoy Big Brother celebrity housemate nga si Roxanne Barcelo mao’y bag-ong calendar girl karon sa Asia Brewery Inc. Si Roxanne mi-post og mga hulagway sa iyang instagram account nga kuha atol sa pictorial.

Gigamit ang friendship?

Gihimakak ni Bret Jackson ang taho nga matud pa iyang gigamit ang ilang panaghigala ni James Reid aron musikat. Suma pa sa aktor, “Why would I have to use anybody? I was best friends with James before he was not even famous. I was with him for years na.”

Suportado sa netizens

Nagtrending ang #MJForMsUniverse? ug #MJAllTheWay?  sa twitter kagahapon bisan pa man og pakyas sa pagsulod sa top 5 ang kandidata sa Pilipinas sa Miss Universe nga si Mary Jane Lastimosa .

Lloydie na-pressure

Gibutyag ni John Lloyd Cruz nga na-pressure siya human nag-iyahay og pakasal ang pipila ka mga artista.  Una na nga gipadayag sa aktor nga dili pa niya prayoridad ang maong butang.

Miklaro sa isyu

Parehong gihimakak nila ni Jane Oineza ug Loisa Andalio nga aduna’y nahitabong rivalry kanila. Kini human nga nipadayag si Joshua sa iyang gibati kang Jane kaniadto sa PBB. Si Loisa ug Joshua mao’y magka-loveteam karun sa Nasaan Ka Kung Kailangan Kita.

Poppert nanamilit

Natangtang na ang “Rak of Aegis” actor Poppert Bernadas sa The Voice niadtong Domingo human gipili sa  iyang coach nga si Sarah Geronimo ang katigi  niini nga kanhi miyembro sa Rivermaya nga si  Jason Fernandez.

Promise ring

Giklaro ni Zsa Zsa Padilla nga ang singsing nga iyang gisul-ob karon maoy promise ring gikan sa iyang uyab nga si Conrad Onglao. ““May promise siya sakin and tignan natin kung may matupad,” suma pa sa singer.

Nasagmuyo

Pipila ka mga artista ang dali nga nihatag sa ilang reaksyon ug nasagmuyo sa resulta sa Miss Universe . Kini sama nila ni  Kim Chui, John Lapus, Bianca Gonzales, Ogie Alcasid, Sarah Lahbati Vice Ganda ug Janine Tugunon.