Paghimo’g imoha!

CEBU, Philippines - Nagkaduol na gayud ang Sinulog ug makadungog na kita og mga tukar sa kadalanan ug kanunay gyud natu mabatian ang pagtimbaya nga  “Pit Senyor”!

Pipila sa mga tawo ang nagplano na nga mopalit og Sinulog shirt apan alang sa inyong kasayoran, dili na kinahanglan nga mogasto og dako aron lang makabaton sa maong klase nga t-shirt.

Suma pa sa ilado nga designer sa Sugbo nga si Lemuel Rosos nga mahimo ra nga i- recycle ang karaan nga mga sinina ug butangan ra kini og mga desinyo. 

“Aron hayahay, kinahanglan mopili ka og light color nga mga t-shirt aron dili alimuot.  Nindot gamiton kanang white shirt,” suma pa ni Lemuel.

 Kung makapili na ka og shirt, mahimo nimo kini butangan og desinyo sama sa karaan nga mga batons aron dili common ang peg niini.

  Mahimo pud nimo kini butangan og mga ginunting nga panapton  aron bongga ang dating niini.

 Kung duna mo’y mga pintal nga wala gamita, mahimo kini nga gamiton, sama sa pagbutang og pintal sa imo kamot og ilakra kini sa imong karaan nga shirt. (BANAT NEWS)