GRR TNT magbabalik-tanaw sa 2014
MANILA, Philippines - Huwag kaligtaang panoorin ang Gandang Ricky Reyes Todo Na Toh (GRR TNT) ngayong Sabado alas-nuwebe hangggang alas-diyes ng umaga sa GMA News TV.
Magbabalik-tanaw ang host-producer na si Mader Ricky sa mga nausong kasuotan, ayos nang buhok at make-up nung Taong 2014. Muli niyang ipapakilala ang mga Pinoy na nakaimbento ng mga gadget na para sa pagpapabata, pagpapababa ng timbang at pampakinis ng balat.
Muling ipakikita ng programa ang mga lugar na puwedeng bakasyunan dahil sa tahimik na kapaligiran, sariwang hangin at masasarap at masustansyang pagkaing nakakapagpalusog.
Bibigyan-karangalan naman ng GRR TNT ang mga atletang nagbigay ng karangalan sa bansa tulad ni Pambansang Kamao Manny Pacquiao sa larangan ng boksing, gold medalist sa Archery na si Luis Miguel Moreno, ang mga miyembro ng Guilas sa basketball at tropa ng Azkals sa football.
Itatampok din ang tsikahan ni Mader sa mga artistang nag-trending sa social media dahil sa kanilang mga programa tulad ng Rhodora X, My Husband’s Lover, Niño, Ang Dalawang Mrs. Real at iba pa.
- Latest
