Jake balik-trabaho na

CEBU, Philippines - Nahuman na ang pagtungha ni Jake Cuenca sa New York City busa nagpanikad na siya og maayo sa umaabot nga serye niya sa ABS-CBN nga Pasion de Amor. Nasayran nga mikuha og acting course ang aktor didto sa New York.

Dongyan sa Dubai

Mitikang sa Dubai sila si Marian Rivera ug Dingdong Dantes sa miaging adlaw ug nihatag og libreng kalingawan sa mga Pinoy sa maong dapit. Kabahin kini sa mga kalihukan nga gipasiugdahan sa GMA Pinoy TV.

Ikaw na gyud Nora!

Ang pelikula ni Nora Aunor nga Hustisya maoy usa sa mga misalmot sa 36th Festival des 3 Continents nga ipahigayon sa Nantes, France ug magsugod sa hinapos nga bahin karong buwana ug matapos karong December 2, 2014.

Enchong ni-mature na

Giangkon ni Enchong Dee nga ni-mature siya og samot sa dihang nauyab niya ang modelo nga si Samantha Lewis.

Lisod nga eksena

Giangkon ni Jericho Rosales nga dili lalim sa dihang gigama nila ni Mercedes Cabral ang love scene sa indie film nila nga Red nga entry sa Cinema One Originals Film Festival. "Iniisip kasi ng mga tao kapag love scene, parang madali lang. For us, mahirap siyang gawin kasi kailangan artistic ang paggawa mo," suma pa ni Echo.

Ken nangandam na

Giandam na ni Ken Anderson ang iyang kaugalingon sa posibilidad nga itandi siya sa mga tawo ngadto sa iyang igsuon nga si Gerald Anderson. Nalakip si Ken sa programa sa TV5 nga Wattpad Presents: Ang Diary ng Hindi Malandi (Slight Lang).

Pahasubo

Mipadayag sa iyang pahasubo ang aktor nga si Piolo Pascual ngadto sa  pamilya sa iyang ex-girlfriend nga si KC Concepcion. Namatay ang apohan ni KC nga si Elaine Cuneta sa miaging adlaw.

Nadine nakalitan

Wala damha ni Nadine Samonte ang mga oportunidad nga iyang nadawat sa ABS-CBN human siya nakalugwa sa Maalaala Mo Kaya sa miaging buwan. Nasayran nga nasundan dayon kini sa seryeng Hawak Kamay.

Robin gisurpresa

Nagpungasi sa kalipay si Robin Padilla sa dihang gisurpresa siya sa iyang mga igsuon nga sila si BB Gandanghari ug Rommel Padilla, ingon man usab ang iyang mga higala nga sila si Claudine Barretto, Dennis Padilla, ug Joyce Bernal sa taping sa Talentadong Pinoy. Usa kini ka birthday surprise alang kang Robin kinsa magsaulog sa iyang 45th birthday karong November 23.

Daloy ng Pag-asa

Makita karong alas 7 sa buntag ang GMA regional news and public affairs special nga nag-ulohan og "Bangon...Daloy ng Pag-asa”. Karong adlawa ang unang kasumaran sa kusog nga bagyong Yolanda nga niigo sa Pilipinas. Si Mel Tiangco maoy mo-narrate niini. "Ako ay sumasaludo sa katatagan at nakikiisa sa pagbangon ng mga biktima ng super typhoon Yolanda," suma pa ni Mel.