Anne maglisod og hukom

CEBU, Philippines - Giangkon ni Anne Curtis nga maglisod gyud siya og hukom kung dunay motanyag kaniya og Hollywood projects nga manginahanglan og taas nga panahon aron moistar sa  laing nasud.  Gipangutana si Anne niini human gisalida na ang Blood Ransom nga una niyang international movie ug gipaabot nga aduna na unya siya’y mga offers nga madawat.

Sponsor sa block screening

Si Dra. Vicki Belo maoy sponsor sa block screening sa Beauty In A Bottle sa miaging adlaw.  Nalakip sa maong pelikula ang anak ni Vicki nga si Cristalle Henares. Mga endorser usab sa clinic ni Vicki ang mga bituon sa maong pelikula nga sila si Tom Rodriguez ug Angeline Quinto.

Importante ang pagtungha

Gipasalig ni Iñigo Pascual nga dili niya pasagdan ang iyang pagtungha, bisan pa man nga gisudlan na niya karon ang showbiz world. Gawas sa showbiz, gigahinan usab ni Iñigo og panahon ang iyang online study.

Amy moduaw sa anak

Molarga karong buwana sa New Zealand si Amy Austria ug ang iyang bana nga si Duke Ventura aron moduaw sa ilang anak nga nagbase na sa maong nasud. Sunod tuig pa mobalik si Amy dinhi sa Pilipinas.

Oras sa kaugalingon

Inigkahuman pa sa Pasko modawat og acting projects si Piolo Pascual. Gitiwas na lang sa aktor ang Hawak Kamay ug mobakasyon gyud siya og pipila ka adlaw inigkahuman sa maong serye.