Kadasig Festival 2015

Hugyaw nga Domingo kanatong tanan! Salamat kaayo sa mga greetings ninyo para sa akong adlaw natawhan, dako kaayo ang akong kalipay. Ang inyong gugma alang sa inyong Mother Butanding dili masukod.Nalipay usab ang inyong Yur’s truly kay sa unang higayon nahimo akong parte sa ikalima nga Kadasig Festival sa Barangay Apas isip ilang host. Niaging Lunes, gipahigayon ang  Search for Kadasig Festival Queen 2014 kung diin lima ka kandidata ang nagtigi alang sa titulo. Usa ka bonggang production number ang niabli sa indigay ug halos mabungkag ang gym sa singgit sa mga nisuporta sa ilang mga kandidata, ang ubang sitio kay naa pay bitbit nga mga balloons, tarpaulin, flaglers para mas ganahan sila mo abiba. Katong gabhiuna usab gipakita sa mga Apasanons ang ilang mga talento sa sayawan ug kantahan nga maoy nagsilbi nga intermission numbers. Hugyaw!

Mao kini ang listahan sa mga mananaug sa Search for Festival Queen 2014.

2nd Runner Up - Marie Joyce Espinosa sa Sitio Mahayahay

1st Runner Up - Jessa Borden sa Sitio Baca

Ug ang Festival Queen 2014 - Julie Mae Alcantara sa Sitio Torralba

Pagkasunod adlaw mas mabulokon ang mga kadalanan sa Barangay Apas kay bisan ang kainit sa adlaw wala nila panumbalinga para sa ilang street dancing nga didto gitapos sa lima ka sitio sa Gaisano Country Mall ug gisundan sa rituals showdown. Infairness sa atong lima ka sitio, nag-effort gyud, ug sigon pa ni Hon. Ramil Ayuman, ang Barangay Captain nga sa tuig 2016 musalmot na sila sa Sinulog Festival! Mas nidoble ang hugyaw kay unang nagpakita sa ilang futuristic costume ang mga igsoon nato sa LGBT Family ang BAGLA ( Barangay Apas Gay and Lesbian Association), nga sa atong nahibaw-an aduna gyud sila’y moment matag Kadasig Festival! Ang Kadasig Festival tinuig nga kasaulogan kung diin ang mga Apasanons muhalad og dance ritual nga nagpakita sa mga buhat ug milagro sa ilang patron, ang patron sa mga hopeless cases nga si Saint Jude Thaddeus. Kadasig means full of enthusiasm!

Mao kini ang kumpletong listahan sa mga mananaug sa Kadasig Grand Mardigras

2nd Runner Up - Sitio Calvary

1st Runner Up - Sitio Upper Torralba

Grand Champion -Sitio Mahayahay nga mao usab ang nakalangkat sa Best in Costume ug Best in Street dancing.

Congratulations to all winners! To the singing - Barangay Captain Ramil Ayuman nga dunay golden voice kay siya man ang nikanta sa ilang Kadasig Festival Song, mga working commitee, Barangay Apas Youth Development Council ug uban pa. Hangtud sunod tuig puhon!!!