Hugyawnatic

Dear banat hugyaw

First of all, I want to greet you a pleasant hi and hello!  Kini among love story sa akong uyab medyo common ra ni sa ubang relationship pero gusto lang nako ipaambit kining tanan para ma- share namu kung unsa gyud ang sinugdanan sa among  panaghigugmaay.

Ako po si Neil, taga Talisay City Cebu.  Nagsugod among relasyon sa textmate-textmate. Second year high school, naa ko'y classmate nga ginganlan og Jen. Niundang na siya, ug ako siya giteksan kung mahimo ba ko nga mangayo og textmate.

Gihatagan dayon ko niya ug ako kining giteksan,  nireply siya og nagpaila dayon ko. Nagpaila pud siya, Lanie ang iyang pangalan.

Ako siya giingnan nga si Jen ang naghatag sa iyang number. Nagpadayon ang among text-text ug naabot ang time nga niingon si Lanie nga mag-meet daw mi uban ni Jen. Moadto daw siya sa amo eskwelahan, ug kalit siya nga ni-text nga naa na siya sa backgate.

Tayming pud nga klase ko atu busa nananghid ko sa amo teacher nga mogawas bisan kadiyot lang.

Wala ko kaagwanta akong gilayat ang 8 feet nga gate para lang magkatarong me og istorya. Lisod gyud ning gugma buhaton tanan bahalag kuyaw, hehe.  Padayon among pagteksanay ug ako dayon siya gipanguyaban pero wala pa dayon ko niya sugta. One time ana , Sabado to sa gabii, nag-drive ko og trisikad, mao mana akong sideline sukad ko nagpuyo sa akong tiya.  While nag- atang og pasahero , wala nako  damha nga  makit- an nako  si Lanie ug iyang cousin nga padung sa ako nahimutangan. Aron  dili ko mauwaw nga makit-an ko, ako gi os-os ang payong sa trisikad para dili sila kakita nako.hehe. After ato, nagdalidali kog uli sa balay ug nag- ilis. Ako dayon siya giteksan nga asa siya, ug  nagkakuyog gyud me ato ug ako siya gihatod padulong sa ilaha. Samtang naglakaw me, nanguyab  nako sa personal, bisag gikulbaan ko ato, ako lang gyud gipadayon kay tinouray man ako gibati para kaniya. Gisugot ko niya niadtong higayona, dli gyud ko makalimot ato, nahitabo tu siya niadtong January 10, 2009. Happy kaayo me, manuroy me. Magdungan me pangaon .Basta dili masabtan among kalipay nga gibati atong higayona. Sama sa uban, nakaagi pud mi og bug-at nga mga pagsuway sa among relasyon pero wala mi nagpadala. Strong lang gihapon mi bisag wala ko magustuhi sa iyang mama.  Naa ra gihapon ko para niya,  gihimo namong inspirasyon among duha ka gugma. Bisan pa man sa tanan nga among naagian, nagpabiling lig-on among baruganan ug gibarugan  namu ang usag- usa. Sa pagkakaron, 3rd year college na ko. Education akong course ug si Lanie nagtrabaho na. Diri nalang kutob akong suwat. Daghang  Salamat! More Power!

Request ko lyrics sa among themesong nga Through The Years by Kenny Rogers. I will dedicate this song to my everlasting babe Lhanz. I love you for the rest of my life.

Hi Neil! Daghang salamat sa imong LOVE STORY. Paabuta ang lyrics nga imong gi-reuest ugma puhon! HUGYAWnatics, aduna ba kamoy LOVE STORY? Suwata ka na ug ipadala pinaagi sa email: [email protected] o sa facebook: [email protected]