Miriam Quiambao engaged na sa author

SEEN: Kahapon ang huling araw ng shooting ni Dingdong Dantes para sa She’s the One, ang fifth movie niya sa Star Cine­ma. Ipalalabas sa mga sinehan ang She’s the One sa susunod na Miyerkules, Oct. 16.

SCENE: Engaged na si Miriam Quiambao sa kanyang boyfriend na si Ardy Roberto, na kilalang author, entrepreneur, speaker.

Maligayang-maligaya ang mga kaibigan nina Miriam at Ardy sa kanilang engagement.

SEEN: Paboritong paglaruan si Toni Gonzaga ng kanyang make-up artist. Horrible ang makapal na make-up ni Toni sa Kanta Natin ‘To ng The Voice of the Philippines noong Linggo.

SCENE: Isa si Edu Manzano sa mga showbiz personality na unang nakiramay sa pagpanaw kahapon ni former DOTC Secretary Leandro Mendoza.

Sumakabilang-buhay si Mendoza sa edad na 67 dahil sa stroke.

SEEN: Feel na feel ni Alice Dixson ang mga papuri ng entertainment press sa kanyang bagets na hitsura. Matrona ang role ni Alice sa For Love or Money ng TV5 ngunit sa personal ay hindi siya mukhang matrona.

SCENE: Excited na si Amy Perez sa pagbabalik niya sa ABS-CBN at sa pagsisimula ng kanyang bagong weekly show sa Kapamilya Network.

SEEN: Si Sunshine Cruz ang bagong image model ng Ever Bilena Cosmetics.

SCENE: May problema si Ara Arida sa communication skills at ito ang dapat na pagtuunan niya ng pansin.

Si Ara ang bet ng Pilipinas sa Miss Universe 2013 na gaganapin sa Russia sa susunod na buwan.