Heart dili kabotar ni Chiz
CEBU, Philippines - Dili makabotar si Heart Evangelista sa iyang uyab nga si Senador Francis "Chiz" Escudero karong Lunes gumikan kay dili rehistrado ang aktres sa Comelec (Commission on Elections).
Suma pa sa artikulo ni Luigene Yanoria sa Yahoo! Southeast Asia nga wala sa listahan sa mga botante ang pangalan ni Heart o Love Marie Payawal Ongpauco sa tinuod nga kinabuhi.
"Yes I'm not [registered]. In fact I feel sad that I can't even vote for my boyfriend but since I dated Chiz I realized the importance and significance of the right to suffrage," mensahe pa ni Heart nga gipadala niya pinaagi sa iyang manager.
Samtang muoli na si Sen. Chiz sa Sorsogon aron mobotar karong Lunes ug wala pa mahibaw-i kung ubanan ba kini ni Heart o dili.
Miley nag-una
Ang singer-actress nga si Miley Cyrus may nag-una sa listahan sa tinuig na nga Hot 100 sa Maxim magazine karong tuiga. Ikaduha sa listahan ang teen actress nga si Selena Gomez ug mikompleto sa top 5 mao sila si Rihanna, Mila Kunis ug Jennifer Lawrence.
Randy mobiya na sa AI
Katapusan na lang karon nga season ni Randy Jackson isip hurado sa American Idol gumikan kay gusto na niya nga i-explore ang uban niya nga mga gusto sa iyang kinabuhi. Matud pa ni Randy nga desisyon niya nga dili na mopadayon sa sunod nga season ug mapasalamaton siya sa tagdumala sa maong programa nga mihatag og dakong pagsalig kaniya sulod sa 12 ka tuig niya nga pag-istar sa American Idol.
Rica mobalik na sa pag-arte
Human sa pipila ka katuigan nga nawala sa showbiz, subling mopatim-aw sa telebisyon ang aktres nga si Rica Peralejo pinaagi sa Mother's Day episode sa "Maalaala Mo Kaya (MMK)†karong gabii.
Makauban niya sa maong episode sila si Celine Lim, Allen Dizon, Pamu Pamorada, Dexter Doria, Deydey Amansec, Carlo Lacana, Benjamin de Guzman, Anja Aguilar, Johan Santos, Gemmae Custodio, Liz Alindogan, ug Aloysius Noronia.
Katapusan nilugwa si Rica sa mga seryeng "100 Days to Heaven†ug naka-guest na usab siya sa It’s Showtime. (Sanden J. Anadia)
- Latest
