Madam Auring: Ayaw ko insultoha!

CEBU, Philippines - Mibuwelta karon sa iyang mga kritiko ang mananag-an nga si  Madam Auring gumikan sa nadawat niya nga mga insulto.

Matud pa ni Madam Auring nga dunay mga nagyaga-yaga kaniya nga nisugilon nga usa siya ka mananag-an apan wala siya katag-an sa iyang sakit. Nasayran nga usa ka semana na karon nga nag-istar sa tambalanan si Madam Auring gumikan sa internal bleeding hinungdan nga nangayo siya karon og pinansyal nga tabang sa iyang mga higala.

Matud pa niya nga dili unta siya angayan nga insultuhon ilabi na karon nga duna siya’y sakit.

Mensahe pa niya sa iyang mga  kritiko nga maniguwang ra gihapon kini ug matagamtaman ra gihapon niini ang iyang mga gipang-agian karon.

Sunshine wala na mogamit  og  apelyidong Montano

Gitangtang na ni Sunshine Cruz ang apelyido sa iyang bana nga si Cesar Montano sa iyang account sa social networking site nga Twitter. Gikan sa  “@shinemontano” nga screen name ni Sunshine sa Twitter,  gihimo na niya kini og @sunshinecruz77.

Suma pa sa aktres nga hatagan niya og pagtagad karon ang iyang mga anak ingon man usab ang pagbalik niya sa showbiz kung diin upat ka mga teleserye ang nagpaabot kaniya. 

"So blessed to have 4 teleserye offers. WOW!:) It would be selfish of me to complain or mourn. God is faithful! HE prepared so much good things for me and my children," suma  pa sa tweet ni Sunshine.

Una na nga gidungog nga ang  starlet nga si Krista Miller maoy third party sa problema nila ni  Cesar ug  Sunshine.  Matud pa nga nasakpan ni Sunshine niadto  nga dunay gihatag nga regalo si Cesar ngadto sa nahisgutang starlet ug nagpinadalhanay kini og mga text message.

Samtang sa habig ni Cesar, paningkamotan niini nga masulbad ang relasyon nila ni Sunshine.

Mel Tiangco  napasaylo na  ang ABS-CBN

Subling nabanhaw ang dili maayong kasinatian sa award-winning broadcast-journalist nga si Mel Tiangco sa poder sa ABS-CBN kaniadto, sa iyang pakig-atubang sa mga sakop sa entertainment press sa milabay nga adlaw, para sa publicity sa iyang show ‘Magpakalainman” sa GMA-7

Kini dihang gipangutana siya unsa nga kasinatian niya ang haom para sa “Magpakailanman,” ug mitubag siya nga wala siya’y laing mahunahunaan, kundili ang iyang nahiaguman kaniadto sa ABS-CBN, 18 ka tuig ang milabay.

Kahinumduman nga gisuspenso kaniadto si Mel nga walay bayad gumikan sa iyang detergent powder endorsement nga nakalapas matud pa sa circular nga nagdili sa mga radio and news and current affairs  talents sa ABS-CBN nga mugawas sa commercial advertisements nga walay pagtugot sa management.

Gumikan niini, mipahawa si Mel ug iyang co-host kaniadto sa Mel & Jay nga si Jay Sonza ug mibalhin sila sa GMA-7.

“Kasi sobra ang panlalait sa akin. Sobra ang pagtapak sa akin.

“Dini-describe ko nga nun na, feeling ko, para akong ipis nun.

“Alam n’yo naman kung paano ba patayin ang ipis? Di ba, tinatapakan, tapos idiin pa para mapisa nang husto?

“Ganun ang feeling ko nun.”

Pero bisan pa sa maong kasinatian, daghan matud pa og nakat-onan si Mel.

“Ang natutunan ko lang sa experience na yun, ‘You cannot put a good man down.’

“Pero alam mo noon, litung-lito ako na hindi ko alam kung ano ang gagawin ko.

“Kasi, you know, I love that company very much. I gave everything I had.

“’Bakit ako ginaganito?’ Yun lang ang umaano sa isip ko, ‘Ano ba ang ginawa ko? Bakit nila ako ginaganito?’

“But I did not lose my equilibrium. I did not lose my balance.

“I was still in control of my life.

“Dun na rin ako humugot ng lakas, kasi alam ko na mabuting tao ako. Alam ko na mabuting empleyado ako.

“Ibinuhos ko na lahat, malinis ang puso ko, malinis ang konsensiya ko,” nagkanayon siya ngadto sa PEP ug sa ubang sakop sa entertainment press.

Napasaylo na matud pa niya ang mga tawo nga mipasakit niya kaniadto sa ABS-CBN, bisan pa man og wala kini nangayo og pasaylo niya, sanglit nag-awas matud pa ang mga grasya nga iyang nadawat ug pinangga kaayo siya sa GMA-7.

Suportahan

 Tsika pa ni Regine Velasquez nga iyang suportahan ang iyang bana nga si  Ogie Alcasid kung madayon man ang pagbalhin niini  sa  TV5: "Kung saan magiging masaya yung asawa ko, I will support him, siyempre,” hirit pa sa singer.

Natakdan

Kalit lang nga nikanta og mash-up song si Willie Revillame sa programa niya nga Wowowillie kagahapon. Suma pa ni Willie nga natakdan na siya ni Ate Gay nga maoy nagpauso sa nahisgutang estilo sa pagkanta.

Regine gipangandoy ni Gloc-9

Gipangandoy sa sikat nga rapper nga si Gloc-9 nga makauban niya si Regine Velasquez  sa gamaon niya nga kanta puhon. Suma pa sa rapper nga nakatatak na sa music industry ang pangalan ni Regine.

Journey motikang sa Pilipinas

Padayon nga naglawig karon sa bisan asa nga dapit sa Pilipinas ang American rock band nga "Journey" nga maoy nagpasikat sa  "Don't Stop Believing," "Faithfully" ug "Open Arms."  Matud pa sa usa bokalista niini nga si Arnel Pineda nga busy siya karon sa world tour ug usa sa ilang target mao ang Pilipinas kung diin ang ilang concert sa nasud sulod karong tuiga.

Jen gipadungog-dungog ni Patrick

Naghinam-hinam na pag-ayo si Patrick Garcia sa umaabot niya nga anak sa iyang non-showbiz girlfriend ug giingong gipadungog-dungog na pud niya ang iyang kanhi uyab nga si Jennylyn Mercado ug matud pa niya, “It’s an exciting experience because I never experienced that before—to be part of the pregnancy.”

Concert  ni Adam gikanselar

Dili madayon ang gikatakdang  concert sa singer nga si Adam Lambert sa Pilipinas sunod buwan. Matud pa nga duna la’y mga kakulian nga dili kapugngan hinungdan nga kanselado ang maong concert.

Huna-hunaon pa

Matud pa ni Melai Cantiveros nga huna-hunaon una niya pag-ayo sa dili pa siya mohukom kalabot sa pagpanguyab og balik kaniya ni Jason Francisco aron dili magmahay."Siyempre ako, kailangan ko munang mag-isip. Siyempre, ganoon naman talaga ang girl,” matud pa ni Melai.

Alkris gihapon

Subling magpares sila si  Kris Bernal ug  Aljur Abrenica pinaagi sa umaabot nga serye sa GMA-7 nga Prinsesa ng Masa. Giingong daghan gihapon og followers ang duha hinungdan nga gipabilin gihapon sa GMA-7 ang ilang tandem.

Fergie mabdos

Gikumpirmar karon sa  singer ug sakop sa  "Black Eyed Peas"  nga si Fergie nga nagsabak siya karon alang sa unang anak nila sa aktor  nga si Josh Duhamel. Gipahibalo ni  Fergie ang iyang pagmabdos  pinaagi sa social networking site na Twitter. "Josh & Me & BABY makes three!!!" ,” tweet pa sa singer. Kahinumduman nga gikasal niadtong 2009 sila si  Fergie ug Josh sa Malibu, California.

Gerald: Seryoso ko ni Maja!

Tsika pa ni Gerald Anderson nga seryoso  ang iyang gugma ngadto kang Maja Salvador  busa kever lang siya sa lenggua sa iyang mga kritiko nga  gidulaan ra matud pa niya ang aktres. Matud pa sa mga obserbasyon nga bisan sikat na si Gerald, mahiligon gihapon kini nga malambigit sa sikat nga mga artista.

Gimik

Naputos sa mga pagsaway sa nagkadaiya nga online forum ang pagpa-cute nila ni  Lovi Poe ug Rocco Nacino sa usa’g-usa. Matud pa nga tataw nga gimik ra kini sa duha alang sa promosyon sa serye nila nga  Yesterday’s Bride.