Brennan, bubweltahan si Eric

MANILA, Philippines - Nabunyag na ang katotohanan kay Brennan (Matteo Guidicelli) na hindi niya tunay na anak si Thirdee matapos niyang ipasuri ang kanilang DNA. Bagamat ikinubli ni Yanie (Jessy Mendiola) ang nalalaman ay naudyok pa rin si Brennan na mag-imbestiga dahil na rin sa panunulsol ni Cassandra (Denise Laurel). Dahil dito ay mapapatotohanan na rin ang kanyang bawat hinala at kutob sa biglang pagsulpot ni Eric (Guji Lorenzana) sa buhay nila ni Megan (Jewel Mische). Kokomprontahin ni Brennan si Eric na mauuwi sa isang pangyayaring babago sa buhay nilang lahat.

Ano ang magaganap sa kanilang paghaharap? Magiging mitsa na ba ito ng pagsasama ni Megan at Brennan?

Pagkakataon na ba ito para ipagpatuloy ni Brennan at Yanie ang pagtitinginang inumpisahan sa isla?

Huwag palalampasin ang tagpong ito ngayong Biyernes (Feb 8) sa mas umiinit pang tagpo sa Precious Hearts Romances presents Paraiso, pagkatapos ng May Isang Pangarap sa Kapamilya Gold ng ABS-CBN.