Show nina Ogie at Jolina babu na rin sa ere

Seen : Ngayon ang 43rd birthday ni Aga Muhlach at ipagdiriwang niya ito sa Villa Peña Resort & Hotel sa Goa, Camarines Sur.

Scene : Ngayon ang 28th birthday ni Marian Rivera at nagkaroon siya kahapon ng blood donation drive para sa Philippine National Red Cross sa  Ever Gotesco Commonwealth.

Seen : Nag-aalala ang fans nina Elmo Magalona at Julie Ann San Jose na baka mabuwag ang kanilang loveteam kapag natuloy ang paglipat ni Lauren Young sa GMA 7.

Si Lauren ang girlfriend ni Elmo.

Scene : Kahapon ang huling araw ng shooting ng Guni-Guni, ang pelikula ng Regal Entertainment Inc. na ipalalabas sa mga sinehan sa August 22. 

Cast member ng Guni-Guni si Empress na hindi alam ang tunay na family name ng direktor na si Tara Illenberger.

Ellenburger ang alam ni Empress na apelyido ng Guni-Guni director.

Seen : Ayaw aminin nina KC Montero na may relasyon na sila ni Rhian Ramos.

Consistent si KC sa pagsasabi na “dating” pa lamang sila ng kanyang girlfriend na hindi na-consider na maging bida sa Guni-Guni ng Regal Entertainment Inc.

Scene :  Mapapanood ngayong gabi ang farewell episode ng Pare and Pare, ang show nina Ogie Alcasid at Michael V. sa GMA 7.

Seen : Hindi magandang role model sa mga kabataan si Alberto Bruno dahil wala siyang respeto sa mga kababaihan.

Si Alberto ang unang dapat mapatalsik sa Artista Academy.

Scene: Kahapon ang last taping day ng Daddy Dearest ng GMA 7 na pinagbibidahan nina Ogie Alcasid at Jolina Magdangal.