Kris mubalik sa The Buzz

Manila, Philippines --- Balik sa The Buzz sa Sunday si Kris Aquino para maoy kasamtangang mupuli kang Boy Abunda nga milupad paingon sa Germany para sa stem cell therapy sa iyang inahan. Guest co-host ra si Kris, pero kanunay nga giatangan ang iyang paglugwa. Samtang, nag-celebrate sa first anniversary ang Kris TV kagahapon ug balitang may mga kabag-ohan sa pagsulod na niini sa ikaduhang tuig, nga mas makapahimuot sa mga tumatan-aw nga maniguro gyud tawon og mata og sayo aron mutan-aw.

KC nagpaklaro na

Nagpaklaro na gyud si KC Montero sa love niya kang Rhian Ramos, sa Twitter ug bisan sa Party Pilipinas last Sunday, murag nag-uros-uros na gyud iyang pagbati sa dalaga. Nahisgutan man gud ang Yahoo OMG Awards! Ug gihinumduman nila ang viewers nga iboto ang favorite Kapuso stars nga nominado sa nagkadaiyang categories.

Mihirit si KC nga kahibaw siya kinsay iyang iboto, ug dihang gipangutana kinsa, “Rhian” ang diretso niyang gilitok. Sa Twitter pud kagahapon, nahisgutan niya nga nanarbaho matud pa siya aron mahatagan og lifetime supply nga Milo si Rhian nga paboritong imnon sa dalaga sa pamahaw. Suwerte si KC kay murag walay musupak sa ilang relasyon kun ugaling magkauyab gyud sila, kay hasta ang iyang ex nga si Geneva boto man ni Rhian. Tweet pa ni Geneva: “My message to @kcmontero’s new girl…have fun you guys.”

Ihikling lang usa

On hold ang stage adaptation sa Bakit Bughaw ang Langit gumikan sa kondisyon ni direk Mario O’ Hara nga naa pa sa hospital hangtud karon. Unta, isunod sa Bona ang Bakit Bughaw…, nga parehong himuon ni Edgar Allan Guzman, ang mahitabo, sa Bona na lang usa mag-concentrate si Edgar Allan. From August to September 23 ang Bona sa PETA sa direction ni Soxy Topacio. Sa last night, Nora Aunor will be honored ug buot pasabot mutan-aw ang superstar. Si Eugene Domingo maoy bida niini.