Sid klarong in love kang Heart

CEBU, Philippines - Gikilig ang nakauyon sa panagpares nila ni Sid Lucero ug Heart Evangelista sa Legacy sa mga nabasang tweet sa actor nga naguol kaayo sa naghinapos na nga first soap nila sa dalaga.

Unang tweet ni Sid: “Tomorrow will be the saddest last taping day ever” ug gisundan og “I have to say I have never worked with anyone as great as H Evangelista. The industry needs her.”

Gihimakak man ni Sid, obvious nga labihan ang pagdayeg niya kang Heart ug ang dating ngadto sa ubang nakabasa sa tweets niya mao nga in love siya sa aktres. Na-link pud si Heart kang Sen. Chiz Escudero nga miangkong nakauban niya nga nag-coffee ug ngadto kang Pres. Noynoy Aquino.

Maputol ang panagpares sa duruha gumikan kay si Heart naa sa Luna Blanca ug si Sid maoy pares ni Jennylyn Mercado sa soap nga My Little Sister.

Napawong si Jenna Talackova

Pakyas sa iyang panganti ang controversial transgender nga si Jenna Talackova, nga maoy mamahimong pambato sa Canada alang sa Miss Universe Pageant karong tuiga. Puros mga babaye ang naglangkob sa Top 3, sa milabay nga adlaw, ug si Jenna igo ra nga nakasulod sa Top 12 ug maoy napili nga Best in Swimsuit. Rayna ang 26-anyos nga si Sahar Biniaz, 26, 1st Runner-Up si Admoa Yamoah ug 2nd Runner-Up si Madj Soudi. Sila si Katie Starke ug Kesiah Papasin ang mikompleto sa Top 5.

Kahinumduman nga nakontrobersyal si Jenna adtong Marso dihang gitangtang siya sa maong pageant human nasayri nga dili siya “naturally born woman,” apan nakigbisog siya sa iyang katungod, hinungdan nga mitugot ang tag-iya sa Miss Universe Pageant, Donald Trump nga paapilon siya, dungan sa pagpahibawo nga mamahimo na pud nga musalmot ang mga transgender sa labing prestihiyoso nga indigay sa kaanyag sa tibuok kalibutan sugod sunod tuig.