KC nagduha-duha pa

CEBU, Philippines - Tsika pa ni KC Concepcion nga ilhon pa niya pag-ayo ang lalaki nga nanguyab kaniya nga si Jules Knight, sakop sa British band nga Blake busa dili pa niya puwede sugton ang singer karong panahona. Giangkon ni KC nga “sweet” kaayo nga pagkatawo si Jules.

P64.6 M na ang Moron

Ang comedy movie nga “Moron 5 and the Crying Lady” mikita og P64.6 million sa tulo ka semana nga pagpasalida niini sa mga sinehan.

Magduwa sa Hongkong

Mitikang kagahapon sa Hongkong ang Star Magic stars nga sila si Rayver Cruz, Ejay Falcon, Jayson Abalos, Matt Evans ug Gerald Anderson alang sa Basketbolan, Bidahan, Bolahan invitational game.

Paolo ug Derek giintriga

Giklaro ni Paolo Bediones nga wala siya mahulga kang Derek Ramsay kinsa gitagaan karon og daghang hosting job sa TV 5 ug gitataw niya nga wala’y kompetisyon tali nilang duha sanglit susama ra sila og mother network.

Yohan nagbaha ang endorsements

Malipayon kaayo ang magtiayong Ryan Agoncillo ug Judy Ann Santos gumikan sa mga grasya nga ilang nadawat ilabi na karon nga nagbaha ang product endorsements sa ilang adopted daughter nga si Yohan.

Pokwang nasagpaan ni Ruffa

Giangkon ni Ruffa Gutierrez nga nakusog niya ang pagsagpa kang Pokwang sa usa sa ilang mga eksena sa pelikulang The Mommy Returns apan iyang giklaro nga wala niya kini matuyo busa nangayo siya og pasaylo sa komedyanteng aktres.

Isyu gikataw-an ni Jennica

Gikataw-an lang ni Jennica Garcia ang report nga naglambigit sa iyang pangalan ngadto kang Frank Magalona gumikan kay nasayod naman ang kadaghanan nga si Alwyn Uytingco ra gyud ang naa sa iyang kasing-kasing.

Panghinaut ni Polo

Panghinaut ni Polo Ravales nga magtingog na unta sa dili madugay ang iyang kanhi uyab nga si Ara Mina ug ang igsuon niini nga si Cristine Reyes gumikan kay saksi gyud siya kaniadto kung unsa ka- close ang magsuon.

Richard dunay inspirasyon

Busy si Richard Gutierrez sa taping sa seryeng Makapiling Kang Muli sa GMA-7 busa gusto niya nga himoong pribado ang iyang lovelife. Ang aktor gikatahong adunay inspirasyon nga usa ka non-showbiz girl. (Sanden J. Anadia)