Protege Kriza gi-abswelto ni Chen

Manila, Philippines --- Nasigpatan namo ang kanhi manager ug karelasyon ni Aiza Seguerra nga si Chen Sarte sa General Assembly sa OPM adtong Miyerkules sa Anabel’s Morato.

Gipaklaro namo niya ang intrigang ang Protégé matud pa ni Aiza nga si Kriza Neri ang hinungdan sa ilang panagbuwag.

Mipahiyom kini ug mingon: “Hindi naman po. Hindi siya ang dahilan kung bakit kami naghiwalay. It was a mutual decicison, we’re both adults at pareho naming desisyon ‘yun.”

Kung duna matud pa siya’y booking para kang Aiza iya gihapon kining dawaton ug iyang ipaagi sa bag-ong manager sa singer nga si Annabelle Regalado.

Nakapag-move on na matud pa siya sa ilang panagbuwag ni Aiza ug busy siya karon sa pag-atiman sa mga bag-o niyang talents nga singer.

Libro ang regalo ni Marian kang Katrina

Giklaro ni Marian Rivera nga wala na silay problema ni Katrina Halili ug hapsay na ang taping nila sa My Beloved.

Dihang gipangutana kun unsay iyang regalo kun ugaling dapiton siya sa baby shower ni Katrina dali nga nakatubag si Marian.

Libro para sa first time mom matud pa maoy iyang bitbiton kay sayod siya nga makatabang kini kang Katrina.

P700T gipangita na sa TAPE

Nagpadala og press statement ang abogado ni Jose Manalo nga nagpasabot kabahin sa suwat nga gipugos nila og hatag ngadto kang Anna Lyn Manalo apan nagdumili kini pagdawat.

Demand letter diay kadto aron i-uli ni Anna Lyn ang 700 thousand pesos nga cash bond nga gihatag sa TAPE, Inc. ngadto niini nga maoy ilang gihatag pud sa korte adtong may show ang Eat Bulaga sa laing nasud.

Matag gawas man gud ni Jose sa nasud, muhatag og cash bond ang TAPE, Inc. para matugutan ang TV host nga mu-abroad sanglit may hold order man kini may labot sa kasong Estafa nga giatubang ni Anna Lyn ug nadamay si Jose.

Kada pauli ni Jose, ibalik ra pud sa korte ngadto kang Anna Lyn ang kwarta pero wala ra matud pa kini mahibalik sa TAPE.

Tipik sa press statement nagkanayon: “Nararapat na maibalik ang nasabing mga cash bonds sa TAPE. Ang hiling na maibalik ang nasabing halaga ay dulot lamang ng lehitimong pagnanais ng TAPE na mabawi ito mula kay Anna Lyn at walang anumang kinalaman sa kasalukuyang di pagkakaunawaan ng mag-asawang Jose at Anna Lyn.”

Sexiest Vegetarian Celebrity

Trese ka mga Pinoy ang lakip sa makigtigi aron malangkat ang titulo Sexiest Vegetarian Celebrity.

Labing lig-on nga contenders sila si FHM cover girls nga sila si Alicia Mayer ug Geneva Cruz, model Sandra Seifert, Kapuso star Yasmien Kurdi, ug Delara frontwoman Lougee Basabas alang sa People for the Ethical Treatment of Animals (PETA), ang tinuig nga Sexiest Vegetarian Celebrity contest sa Asya pinaagi sa PETAAsiaPacific.com.

Ubang contenders gikan sa Pilipinas naglakip nila ni Isabel Roces ug Raya Mananquil, newspaper columnist RJ Ledesma, singer-songwriter Nityalila Saulo, ug actors Chin-Chin Gutierrez, Juliana Palermo, Carlos Agassi, ug Raymond Bagatsing. Gikan sa www.starmometer.com