Hollywood dream malabong matupad, Sam babalik na lang ng 'Pinas

SEEN: Si Aljur Abrenica sa Ninoy Aquino International Airport noong Martes.

Papunta si Aljur sa Middle East para sa isang show sa Filipino community.

SCENE: Ang political differences nina Laguna Governor ER Ejercito at Laguna Board Member Angelica Jones.

Ang makakalaban ni Gov. ER sa 2013 elections ang susuportahan ni Angelica dahil sa kanilang feud.

SEEN: Hindi natuloy ang pag-uusap nina Ma­rian Rivera at Katrina Halili noong Lunes dahil na-pack up ang taping ng My Beloved.

Ang mga executive ng GMA 7 ang nagpasya na pagharapin ang dalawa para matapos na ang kanilang iringan.

SCENE: Ngayon ang ika-75 kaarawan ni da­ting Pangulong Joseph Estrada at ang Le Pavilion ang venue ng kanyang grand birthday celebration.

SEEN: Babalik sa Pilipinas si Sam Milby dahil malabo na matupad ang kanyang pangarap na maka-penetrate sa Hollywood.

SCENE: Ang denial ni Amalia Fuentes na siya ang nagkalat ng tsismis na kambal ang isinilang ni Ruffa Gutierrez at dahil mukhang pera si Annabelle Rama, ipinagbili nito ang isa sa kambal na anak ni Ruffa.

Nagiging katawa-tawa na ang mga development sa pang-aaway ni Amalia kay Annabelle.

SEEN:  Lalabas si Luis Manzano sa mga show ng GMA 7 dahil ito ang deal na napagkasunduan kaya pinayagan si Jennylyn Mercado na mag-guest sa birthday presentation ng kanyang boyfriend sa Deal or No Deal.

Nakukuha sa magandang usapan ang hiraman ng mga artista ng GMA 7 at ABS-CBN.