Valiente gigastuhan gyud, daghan na'g ads

CEBU, Philippines - Dili na kaayo maklaro ang uwat ni JC de Vera gumikan sa duha ka semana nga hangga nga mibiktima niini.Misamot nga dili maklaro gumikan sa gibutang nga prosthetics sa iyang nawong nga gigamit niya para sa Valiente. Alimuot ug katol ang prosthetics, pero gigastuhan kini sa Archangel Media gumikan kay gikan pa sa States ang material.

Malipayon si JC nga nabalik na sa original time slot ang teleserye, maayo matud pa ang timing gumikan daghang mayagyag nga sikreto nga mas makapanindot pa sa istorya. Malipayon matud pa ang tibuok Team sa Valiente gumikan kay daghang ads ang teleserye.

Unsay komentaryo niya sa subling paghigala na sa iyang manager nga si Annabelle Rama ug ni Wilma Galvante?

“Happy ako for tita Annabelle dahil nabawasan siya ng kaaway. Hindi ako nagulat, ang tao naman nakakalimutan ang mga ganyan-ganyan. You forgive, but you don’t forget. Hindi ko lang ini-expect na gaya pa rin sa dati ang friendship nila, but at least, may peace, love at harmony na sa kanilang dalawa.”

Frank ilugan ni Janine ug Jennica

May guest role sa My Beloved si Frank Magalona isip si Ronald, ang uyab nga doktor ni Joanne Ledesma nga gidala ni Janine Gutierrez. Bisag guest role lang, malipayon ang ulitawo gumikan kay first primetime niya kini nga project ug sila si Dingdong Dantes ug Marian Rivera pa ang mga bida.

Gipaambitan ni direk Dominic Zapata ang dagan sa istorya sa My Beloved  ug taas pa ang mamahimong partisipasyon ni Frank gumikan kay malambigit siya kang Monica (Jennica Garcia).

Nalipay si Frank gumikan kay lahi kaayo ang iyang role karon kay sa iyang role nga negosyante sa Blusang Itim, ug  lawyer sa Kung Aagawin Mo Ang Langit.

Kylie ug Derrick perting PDA

“Single” ang tubag ni Kylie Padilla dihang gipangutana sa present status niya ug sanglit daw malipayon man og dagway, daw naka-move on na sa break-up nila ni Aljur Abrenica. Magkita sila sa Party Pilipinas every Sunday ug walay nabalita nga nag-deadmahan sila kun magkita.

Wala makaipsot sa press ang sweetness nila ni Derrick Monasterio sa taping sa summer special nga Tweenhearts. Naghinungitay pa sila og mami ug diriyot na maghawkanay gumikan kay ang isigkatumoy sa pansit ang ilang gipaak hangtud nga nag-abot sa tunga niini ang ilang mga ngabil. Gikantyawan pa sila gumikan sa maong PDA.

Gipangutana si Derrick kung mangulitawo ba siya kang Kylie ug tubag niini, muabot matud pa ang tukmang oras niini ug wala siya nagdali. (BANAT NEWS)