Rocco nagpasalamat sa kahitas-an
Manila, Philippines --- Nag-enjoy pag-ayo si Rocco Nacino sa pag-selebrar sa iyang 25th birthday kung diin nanghatag siya og regalo sa mga bata nga cancer patients sa Philippine Children’s Hospital sa miaging adlaw. Ugma pa ang birthday ni Rocco, apan naa siya’y taping sa The Good Daughter hinungdan nga karong Domingo na siya mag-selebrar niini human sa Party Pilipinas.
Daghan og gusto nga pasalamatan si Rocco sa iyang birthday, ug nag-una na niini ang kahitas-an gumikan sa kadaghang blessings nga iyang nadawat.
Usa na ka hugyaw nga birthday gift alang kaniya ang nadag-an niya nga Best New Movie Actor of the Year sa miaging Star Awards for Movies.
Richard dili mopatol sa reklamo ni Nadia
Kagahapon ang preliminary hearing sa kasong Grave Oral Defamation ug Unjust Vexation nga gipasaka ni Nadia Montenegro batok kang Richard Gutierrez.
Sa pagsuwat niining balitaa, wala pa si Richard ug walay nasayod kung motungha ba kini o dili. Apan gikinahanglan gyud ang iyang presenya aron isumite ang iyang counter-affidavit sa reklamo ni Nadia. Suma pa ni Tita Annabelle Rama, dili na ganahan si Richard nga mopatol niini busa naglikay siya sa paghisgot niini.
Carla wa pay regalo ni Geoff
Kauban ni Geoff Eigenmann ang uyab niya nga si Carla Abellana sa birthday/fans day niya nga gipahigayon sa Multi-Purpose Hall sa Immaculate Conception Cathedral sa Lantana, Cubao. Gikan pud ni Carla ang ubang giveaway sa winners sa mga games, pero matud pa sa dalaga, wala pa siya makapalit og birthday gift para sa iyang hinigugma nga March 23, pa gayud ang birthday ug gi-advance lang para ang fans day para sa fans niya gikan sa probinsya.
Walo ka buwan na ang relasyon nila ni Geoff ug Carla,pero three birthdays na sa aktor ang nasalmutan sa dalaga. Gani, apil kanunay si Carla sa preparasyon para sa party sa iyang uyab hinungdan nga mapasalamaton ang aktor niini.
Matag birthday, kauban pud ni Geoff ang iyang mga fans isip pag-ila sa suporta nga gibubo nila ngadto niya.
“I’m here because of the fans,” ni Geoff pa.
- Latest
