Miss Cebu 2012

CEBU, Philippines - Hay naku naku naku, grabe na kalingaw ang kadalanan sa Sugbo gumikan sa umaabot nga Sinulog celebration! Bisan asa ka lingi, pista gyud ang dating. O di ba bongga? Back to back ang mga panghitabo sa concert scene ug indigay sa kaanyag. ug sa dili pa mahitabo ang dakong kasaulogan, magtigi na karong gabii ang 12 ka mga maanyag nga Cebuana sa ipahigayong Miss Cebu 2012.

Gilangkoban nilang Michelle Angelique Tan, 21 – usa ka registered nurse, Ann Caryl Gotingco, 24 – financial service advisor, Mary Hazel Haruka Watabe, 18 – nagtuon og Occupational Therapy, Rachel Chloe Palang, 23 – usa ka Account Executive, Cynthia Lois D. Tac-an,22 – AB Masscom student, Pierre Anther Infante, 21 – disc jockey, Ella Beverly Sarmago, 21 – Marketing Specialist, Herlie Kim Artugue, 20 – BS Nursing student, April Ann White, 19 – BS Nursing student, Jonnie Rose Lois Wee, 19 – BS Nursing student, Shannen Abarquez, 20 – usa ka Tourism student, ug Lesly Anne Fernandez, 23 – Nursing Graduate.

What’s New in Old Cebu ang tema sa maong indigay karong gabii human kini na-recognize isip usa ka ASEAN City sa heritage ug creative industries. Sa matag tuig, pirming giatangan sa mga turista ug mga Sugbuanon ang mga bonggang production numbers ug mga maanindot nga desinyo nga sul-obon sa mga kandidata. “The production numbers will be very informative as we trace our ASEAN links during the pre-colonial days,” lengua pa ni CCTC Commissioner Phillip Rodriguez.

Gawas sa pagpakitang gilas sa mga inilang designers sa Sugbo sama nilang Rey Villegas, Pewee Senining, Hadji Godinez, Ivan Belocura, Barbie Alvez, William Manahan, Yvonne Quisumbing, Edwin Ao, Jun Escario, Jojo Romoff, Ren Manabat, Oj Hofer, Wendell Quisido, Cary Santiago, Harley Ruedas, Arcy Gayatin, Philip Tampus, Dino Lloren, Albert Arriba ug Marichu Tan, angayang atangan usab ang mga special guest performers – Kapamilya Mas Winner Ka’s K Boys, Pilipinas Got Talent Grand finalist Jem Cubil ug American Idol Hollywood week finalist Monique Delos Santos. Sila si Kapamilya hunk Rafael Rosell, Miss Cebu beauties Blinky de Leon ug Reena Elena Malinao ang mamahimong hosts sa Miss Cebu 2012.

Kinsa kaha ang makalangkat sa korona? Dungan tang mutan-aw karong gabii, 7pm sa Miss Cebu 2012 nga ipahigayon sa Grand Pacific Ballroom sa Waterfront Cebu City Hotel. Inyong mapalit ang tickets sa venue ug sa Cebu City Tourism office – Adunay P300, P1000, ug P1500. Ug kung gustong mag sitting pretty sa ilang mga panimalay, pwede ninyong makita ang Miss Cebu 2012 LIVE sa Studio 23, Kabarkada Mo! (BANAT NEWS)