Cebuana labing gwapa

CEBU, Philippines - Cebuana nga sakop sa Ozar Model Philippines ang nakoronahan isip Miss Resorts World Manila 2011 niadtong Domingo sa gabii. Si Princess Angela Abella, mipildi sa 28 ka mga kandidata ug miangkon sa korona. Siya pud maoy Ms. Slimmers World 2010.

Gaga ug katy natabunan sa mabdos nga Beyonce!

Sila si Lady Gaga ug Katy Perry maoy nanghawod sa MTV Music Awards niadtong Domingo, apan natabunan tanan nilang kadaugan gumikan sa paglugwa ni Beyonce nga klaro na kaayo ang dako niining tiyan gumikan sa pagsabak.

Duha ka awards ang nakuha ni Lady Gaga, samtang tulo kang Perry lakip na ang music video of the year. Pero ang paglugwa ni Beyonce sa red carpet maoy miani og labihan nga atensyon.

Misamot dihang pagkanta na niya og “Love on Top” mapasigarbuhon niyang gihangyo ang audience pagtindog aron saw-an ang iyang kalipay. “I want you to feel the love that’s growing inside of me.” At the end, she took off her jacket, smiled broadly and rubbed her tummy,” nagkanayon siya.

Ang bana niya nga si Jay-Z nga maoy bugtong nasayod sa pagsabak ni Beyonce sa wala pa kini nila paambiti sa publiko, mapasigarbuhong mipahiyom samtang gi-congratulate ni Kanye West.

Nindot or baduy?

Nagkagubot na ang mga pageant fanatics kinsay labing nindot og gown ug kinsay mas angayan nga kandidata basi sa mga hulagway nga makita sa missuniverse.com. Pero ang pangutana, ang susamang gown ba maoy ilang gamiton sa umaabot nga preliminaries karong September 8?

Kung ang gown sa pambato sa Pilipinas Shamcey Supsup ang hisgutan, nabahin ang iyang mga supporters. May mga miingon nga angayan siya, apan may uban pud nga miingon baduy ang pink gown.

Hinuon, para sa Starmometer.com, pasok si Shamcey sa 10 ka mga kandidata nga hugyaw ang gown.

Ang top 10 suma pa sa maong website mao ang Venezuela, Vanessa Gonçalves; Netherlands, Kelly Weekers; China, Luo Zillin; China, Luo Zillin; Ukraine, Olesya Stefanko; USA, Alyssa Campanella; Guatemala, Alejandra Barillas; Brazil, Priscila Machado; Indonesia, Nadine Ames; ug Belgium, Justine De Jonckheere.