Marketing gimmick ni Daniel!

CEBU, Philippines - Dakong gimik ang gitawag karon nga “elevator video scandal” ni Daniel Matsunaga diin gipakita nga duna siya’y kahawok nga babaye nga dili si Heart Evangelista. Suma pa sa kolumnista sa Pilipino Star Ngayon Nitz Miralles, mismong si Heart na sa iyang Twitter account ang nagkanayon: “relax-meron pa, don’t worry guys… if you saw it… something’s cooking.” Ug ang latest tweet ni Heart nagkanayon: “friends don’t stress me out read my direct message.” Ang tsika, bag-o ni nga commercial endorsement ni Daniel.

Dili kay si Carla ray bida

“Lilay and the Magic Palayok” matud pa ang kompletong title sa umaabot nga project nila ni Carla Abellana ug Geoff Eigenman sa GMA-7 nga mao matud pay ihulip sa Bantatay. Kini kay tsika ni Nitz Miralles sa iyang column sa PSN karong adlawa, bida pud niini si Angeli Nicole Sanoy, ang midala sa papel nga JikJik sa Grazilda. Na-impress matud pa ang GMA-7 sa maong bagets busa hatagan na siya og break.

Joshua–Barbie movie go na

Giingong mahinayon na ang movie nila ni Barbie Forteza ug Joshua Dionisio ubos sa GMA Films karong tuiga. Last pa unta kining maong pelikula apan wala mahinayon.

Lexi ug Joyce gi-meeting sa Viva

Nakig-meeting na matud pa ang Viva Films sa ubang mga taga Tween Hearts sama nila ni Lexi Fernandez ug Joyce Ching nga matud pa ni Nitz Miralles, sigurado nga movie projects ang gihisgutan. Pwes, angay matud pa nga magdali ang GMA Films, or else maunhan pa sila sa laing movie outfits.

Alex gibombahan og workshop

Usa ka buwan gyud nga nag-worshop si Alex Gonzaga ubos kang direk Gina Alajar alang sa iyang pagdala sa “Babaeng Hampaslupa” sa TV5. Aminado si Alex nga dihang unang gitanyag ngadto niya ang maong teleserye tungod kay paminaw niya dili siya takos niini. Pero gipasaligan siya sa TV5 nga ipalawom og workshops busa hingpit siya nga mitando.

Jennylyn pildero sa kaso!

Dismayado ang kampo ni Jennylyn Mercado sa migawas nga desisyon sa korte nga nagwalay sala sa kanhi niya PA nga si Rowena “Mel” Pulmano, kinsa iyang gipasakaan og kasong qualified theft. Ang hukom ni Judge Vivencio S. Baclig wala mihatag og gibug-aton sa testimonya sa expert witness nga nagmatuod nga gimao-mao ni Pulmano ang pirma sa aktres sa tseke nga nagtangag sa ngalan niini.

Mara Clara gipatiran ni Machete!

Gimantala sa PEP ang People Ratings (Mega Manila households) sa mga shows sa ABS-CBN ug GMA-7 nga nag-pilot episode niadtong Lunes. Ug ang resulta suma pa sa AGB Nielsen mao ni: Machete 12.8% (vs. Mara Clara’s 11%); Alakdana 8.1% vs. Bianong Bulag 3.9%; I Love You So 4.2% (vs. Temptation of Wife’s 12.9%)

Machete gilubong nilang Mara Clara

Jan. 24 Kantar-TNS Nat’l Household Ratings (new shows): Machete 19% (vs. Mara Clara 29.6%); Bianong Bulag 11.5% vs. Alakdana 14.3%; I Love You So 14.1% (vs. Temptation of Wife 24.1%)